Hazrat Zakariya alihissalam 2 bete ka naam

1136
Hazrat zakariya alaihissalam ki shahadat kaise 4 in hindi urdu
Hazrat zakariya alaihis salam ki shahadat kaise 4 in hindi urdu

Hazrat zakariya ka waqia in hindi hazrat zakariya Alaihis salam ki aulaad ke liye duaa karna kaise aap ne dua ki or aap ki mukammal hayat islamic story

 Aayat se wazahat

Quran e hakeem me he ki

“yaha pookara zakariya ne apne rabb ko bola ay rabb meire mujhe apne paas se de suthri aulaad beshak tu hi hei duaa soonne wala”

(surah aale imraan, aayat-38)

Ek aur jagah irshaad he

“yah zikr hei teire rabb ki us rehmat ka jo usne apne bande zakariya par ki, jab usne apne rabb ko aahista pookara,

arz ki ay meire rabb meiri haddi kamzor ho gayi aur sar se budhaape ka bhabhuka futa aur ay meire rabb mei tujhe pookaar kar kabhi na-muraad na raha,

aur mujhe apne baad apne qaraabat waalo(rishtedaaro) ka dar he aur meiri aurat baanjh he to mujhe apne paas se koi aysa de daal jo meira kaam utha le”

(surah mariyam, aayat-2, 3, 4, 5)

Hazrat zakariya Alaihis salam hazrat sulemaan  Alaihis salamki aulaad se the, aap  Alaihis salamke aaaba wa ajdaad(baap-daada) jo nabi the wo beitul muqaddas me wahi likha karte the,

aap ki koi aulaad na thi, is liye rabb ta’ala se duaa ki, aap ne duaa qabooliyat ke waqt me ki, duaa mukhaffi (chhupe/khufiya) tour par ki taaki riyaakaari(dikhawe) se door rahe

aur isme kaamil khulush paya jaaye aur loug bhi ye na kahe ki ye budhaape ki umr me aulaad ko maang raha he, duaa karte pehle apne ujr ka izhaar kiya ki ay meire allah ta’ala meiri haddi kamzor ho gayi,

Aap  Alaihis salamne apni kamzori ka zikr karne ke baad sarke baalo ke safeid hone ka zikr kar diya, aur arz kiya mei teira wo banda hu jise tune arsha daraaz se apne lutf wa karam ka khogar bana diya he, jab kabhi meine koi sawaal kiya tune radd na kiya, jo bhi meine maanga tune ataa kiya, mujhe yaqin he ki ye ilteja bhi sharfe qabul se sarfaraaz hogi,

Aur Hazrat zakariya Alaihis salam ne arz kiya ay allah ta’ala mujhe apne rishtedaaro par khouf he ki wo deen ke umur ko kaamil tour par sar-anjaam de sakenge, deen me fasaad feilayenge,

is liye tu mujhe bachcha ataa farma jise mansabe nabuwwat par faaiz kar de, taki wo umur e deen ki hifaazat kar sake,

use ilm aur nabuwwat ka meira aur aulaade yaaqub  Alaihis salamme se ambiya  Alaihis salamka jaanasheen bana, yaha wiraasat se muraad maal wa doulat nahi balki ilm aur nabuwwat he.

(tazkiratul ambiya alayhis salaam, safa-485, 486, 487)

Hazrat zakariya Alaihis salam ko beite ki bashaarat :-*

Quraane azeem me he ki

“to farishto ne use aawaaz di aur wah apni namaaz ki jagah khada namaaz padh raha tha beshak allah aapko khush-khabri deita hei yahyaa ki jo allah ki taraf ke ek kalime ki tasdeeq karega aur sardaar hameisha ke liye aurato se bachne wala aur nabi hamaare khaaso se”

(surah aale imraan, aayat-39)

Malaika se muraad hazrat jibrail  Alaihis salamhe ya’ni ye khush-khabri deine waale hazrat jibrail  Alaihis salamhe,

Aap  Alaihis salamko bashaarat deine ke liye jab hazrat jibrail  Alaihis salamaaye to aap  Alaihis salamapni namaaz padhne ki jagah namaaz padh rahe the ,

Aap  Alaihis salamko jis beite ki bashaarat di gayi uske chand awsaaf bhi zikr kiye gaye ki wo allah ta’ala ki taraf se kalme ki tasdeeq karne wala hoga, yaha kalma se muraad hazrat isaa  Alaihis salamhe,

hazrat yahyaa  Alaihis salamhazrat isaa  Alaihis salam se 6 maah(mahine) bade he, sabse pehle aap hi unhe taslim karne waale aur unki tasdeeq karne waale he ki hazrat isa  Alaihis salam roohulallah he,

Ek martaba hazrat mariyam  Alaihis salamne hazrat yahyaa  Alaihis salamki waalida se mulaaqaat ki, jo unki khala he to unhone kaha ki kya tumhe ma’alum he ki mei haamela hu..??

To mariyam  Alaihis salamne kaha mei bhi haamela hu, to hazrat yahyaa  Alaihis salamki waalida ne kaha jo tumhaare peit me bacha he meine use apne peit waale bachhe ko sajda karte hue paya, yani meira baccha tumhaare bacche ko sajda karta he..

Is se waajeh ho raha he ki hazrat yahyaa  Alaihis salamne sabse pehle hazrat isaa  Alaihis salamki tasdeeq ki.

(tazkiratul ambiya alayhis salaam, safa-487, 488)

hazrat yahyaa  Alaihis salamka naam allah ta’ala ne khud rakha quraane e paak me allah rabbul ijjat irshaad farmata he

“ay zakariya hum tujhe khush-khabri soonaate he ek ladke ki jinka naam yahyaa he iske pehle humne is naam ka koi na kiya”

(surah mariyam, aayat-7)

Har bacche ka naam uske waalidein rakhte he aur wo bhi paidaaish ke baad, hazrat yahyaa  Alaihis salamki paidaaish se pehle aap ka naam allah azzawajal ne rakha aur wo bhi aysa naam ki aap se pehle ye naam kisi shaksh ka bhi nahi tha,

  aap  Alaihis salam ka naam yahyaa kyu rakha…??

Haqiqat to allah ta’ala hi behtar jaanta he, lekin mufassireen e kiraam ne baaz wajah bayaan ki he,

  allah ta’ala ne unke zariye unki waaalida ke baanjh-pan ko zindagi ataa farmaayi,

  aap  Alaihis salamko allah ta’ala ne na-farmaani ke iraade se door rakh kar taaqat ki zindagi se sarfaraaz kiya kyuki aap ko allah ta’ala ne gunaaho ke iraade se bhi door rakha,

  deen ko aap  Alaihis salamke zariye zinda rakha kyuki Hazrat zakariya Alaihis salam ne deen ke qayaam ke liye hi to aap ke liye duaa ki thi.

(tafseere kabeer, jild-21, safa-186,187)

(tazkiratul ambiya alayhis salaam, safa-489, 490

Hazrat zakariya Alaihis salam ko beite ki bashaarat par ta’ajub huwa :-

Quraane hakeem me he ki

“bola ay meire rabb meire ladka kaha se hoga mujhe to pahunch gaya budhapa aur meiri aurat baanjh, farmaya allah yu hi karta hai jo chaahe, arz ki ay meire rabb meire liye koi nishaani karde”

(surah aale imraan, aayat-40, 41)

Hazrat zakariya Alaihis salam ko jab bashaarat di gayi us waqt aap ki umr 120 saal aur aap  Alaihis salamki zovja(biwi) ki umr 90 saal thi, aap  Alaihis salamne beite ke liye duaa bhi ki thi allah ta’ala ki qudrato ka mushaaida kar chuke the,

nabi ko allah ta’ala ki qudrat me kabhi koi shak nahi ho sakta fir is sawaal ka kya matlab ho sakta he ay meire rabb ladka kaha se hoga…??

Is sawaal ka jawaab allama aalusi rahmatullah alay in alfaaz me deite he

Hazrat zakariya Alaihis salam ka ye sawaal allah ta’ala ki qudrat ko azeem samajhte hue aur us par batoure ta’ajub tha ye insaani fitrat ka taqaaza he ki jab

use koi badi nishaani haasil ho to wo ta’ajub karte hue kehta he aysa bhi ho jaayega…? Insaani souch se buland chiz ka husul yaqinan muta’jib karta he,

 Hazrat zakariya Alaihis salam ko bhi shaheed kar diya gaya :-

Jab  yahyaa  Alaihis salamko shaheed kar diya gaya to Hazrat zakariya Alaihis salam ne baadshaah ke zulm wa sitam se bachne ke liye shahar se baahar jaane ka rukh kiya,

baadshaah ne usi faahisha aurat ke kehne par aap  Alaihis salamko pakadne ke liye apne sipaaahiyo ko bheija, aap  Alaihis salamne apni jaan bachaane ke liye darakht ke tane me chhup gaye jo andar se khaali tha,

Zakariya  Alaihis salamko darakht ke andar se khaali tane me jab paya gaya to un lougo ne darakht ko uper se niche aaare se kaat diya,

(allahu akber…)

Ya’ni is tarah zakariya   Alaihis salamke jism mubaarak ke 2 tukde karke aap  Alaihis salamko shaheed kar diya gaya,

Khyaal rahe ki jaan ki hifaazat ka wa’ada sirf huzoor nabi e kareem sallallaho alayhe wasallam se rabb ta’ala ne farmaya

“aur allah ta’ala aap ko lougo se bachaaye rakhega”

(surah al maaida)

Aur dusre rasoolo se jo nusrat ka wa’ada farmaya us se muraad ye he ki tum itne bade lougo ki mukhaalefat ke baawajud meire ahekaam un tak pahoncha sakoge, tumhaare dalaail ka woh koi jawaab nahi de sakenge aur tumhaare badle me unke kayi aadmiyo ko qatl karaa dunga, ambiya  Alaihis salamko lougo se bachaaye rakhne ka wa’ada na farmaya.

(tazkiratul ambiya alayhis salaam, safa-496)

  Hazrat mariyam  Alaihis salamki fazilat

Quran e majeed me he ki

“aur jab farishto ne kaha ay mariyam beshak allah ne tujhe chun liya aur khub suthra kiya aur aaj saare jahaan ki aurato se tujhe pasand kiya, ay mariyam apne rabb ke huzur adab se khadi ho aur uske liye sajda kar aur ruku’a walo ke sath ruku’a kar”

(surah aale imraan, aayat-42, 43)

Aayate kareema me malaika (farishto) ka zikr he lekin is se muraad sirf jibrail  Alaihis salamhe,

Hazrat mariyam  Alaihis salamki 3 sifat bayaan ki gayi he ‘chun leina’, ‘paak suthra karna’ aur ‘jahaan ki aurato par pasand karna’,

1) pehli sifat ka matlab ye he ki aap se pehle kisi mu’annas(female) ko beitul muqaddas ki khidmat ke liye ijaazat nahi thi, sirf aap ko hi is muqaddas ke liye chun liya gaya tha, aap ki waalida(maa) ne aap ko doodh nahi pilaya tha,

balki paidaaish hote hi beitul muqaddas me Hazrat zakariya Alaihis salam ke supurd(hawaale) kar diya gaya tha, allah ta’ala ne hazrat mariyam  Alaihis salamko jannat ke khaane ataa kar ke khushushiyat ataa ki,

allah ta’ala ne aap ko apni ibaadat ke liye chun liya aur isi wajah se aap par mukhtelaf(alag alag) qism ki maherbaaniya ki aur hidaayat se nawaaza aur aap ki hifaazat ka zimma khud uthaya,

aap ke rizq ka ma’amla bageir zaahiri asbaab ke apne qabza e qudrat me liya, aap ko hamesha rizq allah ta’ala ki taraf se haasil raha, farishte ka kalaam aap ko allah ta’ala ne sahih tariqe se soon ne ki toufiq ataa farmaayi jo kisi dusri aurato ko mayassar na hui,

2) dusri sifat aap ko ‘paak suthra’ banaya, yani kufr wa gunaah se aap ko paak rakha aur aap ko mardo ke chhune se paak rakha aur aap ko heiz se paak rakha kyu ki bayaan kiya jata he ki aap ko heiz nahi aata tha aur aap ko bure af’aal aur buri aadat se paak rakha aur aap ko yahudiyo ki tohmat, jhut se bari farmaya,

(tafseere kabeer, jild-8, safa-45)

3) tisri sifat aaj saare jahaan ki aurato par tujhe pasand kiya, is masle me ahle ilm ke mukhtelaf(alag alag) aqwaal he

Hazrat mariyam  Alaihis salamjahaan ki tamaam aurato ki sardaar he ya ki aap ko hazrat khadija, hazrat aaisha aur hazrat fatima radiallaho ta’ala anha par fazilat haasil nahi,

Aala hazrat imaam ahmad raza khan rahmatullah alay ne farmaya ki hazrat mariyam  Alaihis salamko apne zamaane me tamaam aurato par afzaliyat haasil thi, har zamaana me har aurat par fazilat haasil nahi,

Haashiya jalaalein me he ki

Lekin in douno ke fazaail kaseer he, jo ahaadish me mazkur he, wo fazaail hazrat mariyam  Alaihis salamko haasil nahi is liye hazrate fatima aur hazrat aaisha radiallaho ta’ala anha ko tamaam jahaan ki ibteda e takhleeq se le kar qayaamat tak aane waali aurato par fazilat haasil he yahi mohaqqieen e ulma e kiraam ka mazhab he,

(haashiya jalaalein, safa-51)

Hazrat mariyam  Alaihis salam ko namaaz adaa karne ka hukm diya taaki aap ko allah ta’ala ka qurb haasil ho aur maraatib ki bulandi haasil ho.

(tazkiratul ambiya alayhis salaam, safa-496, 497, 498)

share it on facebook

Give Your Mashwara Feedback