Hazrat Yusuf alaihis salam

Hazrat yusuf alaihissalam  ka waqiya story in Hindi Urdu part 1 Allah ta’ala ke nabi hazrat yaqub alaihisalam aur  Hazrat yusuf alaihissalam  ke bare me wakiyaat aayenge..

Aap logo se gujarish he ki post padhte rahe aur dusre musalman bhai tak pahonchate rahe.

Taaki hamare bhaiyo ke ilm me izafa hota rahe aur sath hi sath aap bhi sawab paane me samil ho jaye..

Agar aap ko article achcha laga to is add par click kare hamari imdad kare jazakallah

Hazrat yaqub alaihisalam hazrat ishaaq alaihisalam ke beite aur hazrat ibhrahim alaihisalam ke poute he,

Hazrat yusuf alaihissalam Hazrat yaqub alaihisalam ke beite he,

hazrat ibne umar radiallaho ta’ala anho se riwayat he ki hadis huzoor nabi e akram sallallaho alaihi wasallam ne farmaya

“ ibne kareem  Hazrat yusuf alaihissalam bin yaqub bin ishaak bin ibhrahim he”(mishkaat ul masabeeh, jild-2, safa-417)(tazkiratul ambiya alaihisalam, safa-166)

hazrat yaqub alaihisalam ke barah(12) beite he yaani Hazrat yusuf alaihissalam ke gyara(11) bhai he.

Hazrat “yusuf” alaihissalam ka khwaab deikhna “

quraan sareef me Allah rabbul ijjat irsaad farmata he

“jab Hazrat yusuf alaihissalam ne apne baap se (ye) kaha ki ay abbajaan mene gyara(11) sitaro aur suraj aur chand ko (khwab me) deikha ki wo muje sajda kar rahe he”(surah yusuf, aayat-4)

agar aap ko article achcha laga to is add par click kare hamari imdad kare jazakallahgyara(11) taaro se murad aap ke bhai aur chand-suraj se muraad aapke maa-baap he, leqin khyaal rahe ki khwaab deikhne se pehle hi aap ki walida ka intekaal ho chuka tha,

sajda se muraad sajda-e-tazimi he, jo pehli ummato me jaiz tha, hamari sariyat me jaiz nahi.(tazkiratul ambiya alaihisalam, safa-167)

“Hazrat yaqub alaihisalam” ka khwaab bayan karne se mana karna

quran shareef me he ki”

“(un ke baap ne) kaha ki ay beite apna khwaab apne bhaiyo se hargij bayan na karna warna wo tere liye (hasad se) koi chaal chalenge, beshaq sheitaan insan ka khula huwa dushman he”(surah yusuf, aayat-5)

Hazrat yusuf alaihissalam ne ye khwab barah(12) saal ki umar me deikha, Hazrat yaqub alaihissalam  ko malum tha ki Hazrat yusuf alaihissalam mansube nabuwat par faiz honge .

to bhai unse hasad karenge kyunki Hazrat yaqub alaihissalam ko Hazrat yusuf alaihissalam se bahot zyada mohabbat thi, aap ke bhai aap se is par hasad karte the.

ye bhi Hazrat yaqub alaihissalam ke ilm me tha, is liye aapne mana farmaya ki ye khwaab bhaiyo se na bayan karna warna unka hasad aur badh jayega wo tumhe nukshan pahonchane me shaitan ke daame fareib me aajayenge.(tazkiratul ambiya alayhesalam, safa-168)

Hazrat yusuf alaihissalam ke bhaiyo ka hasad”

quran e kareem me he ki

“jab Hazrat yusuf alaihissalam ke bhai aapas me) kehne lage ki beshaq Hazrat yusuf alaihissalam aur un ka bhai hamare baap ko ham se zyada pyare he.

aur ham ek (puri) jama’at he aur beshaq hamare baap saraahatan (un dono ki mohabbat me) bilkul dube hue he”(surah yusuf, aayat-8)

Hazrat yaqub alaihisalam chunki Hazrat yusuf alaihissalam se sabse zyada mohabbat karte the aur unke baad hazrat bin yamin se, to dusre bhaiyo ko us par hasad aaya.

wo kehne lage ham to ek jama’at he, baap ki khidmat zyada kar sakte he aur unko zyada nafa pahoncha sakte he, ye do he aur chote bhi he.

ye apne baap ki khidmat hamari tarah nahi kar sakte, fir unse pyaar va mohabbat ham se zyada kyu…?(roohul maani, jild-7, safa-179)(tazkiratul ambiya alyhesalam, safa-168)

Hazrat yaqub alaihisalam ki mohabbat do beito se zyada kyu..?

Hazrat yusuf alaihissalam se sabse zyada mohabbat hone ki wajah ye thi ki aap ko malum ho chuka tha.

ki aap ki tamam aulaad me se agar kisi ko mansube nabuwwat hasil hona he to wo yahi aap ka beita Hazrat yusuf alaihissalam he, ishi liye aap unse zyada mohabbat karte the, unke baad bin yamin se, kyunki wo sab se chote the,

Hazrat yusuf alaihissalam se zyada mohabbat karne ki wajah se hi unke bhai zyada mukhalif unke hi the, bin yamin ke is tarah mukhalif nahi the kyunki khwab deikhne ka ma’amla un tak bhi kishi tarah pahonch chuka tha.

(tafseere kabeer, jild-18, safa-93)(tazkiratul ambiya alayhesalam, safa-169)

.

bhaiyo ne Hazrat yusuf alaihissalam ko raah se hatane ki thaan li

“quraan sareef me he ki”

“behtar ye he ki Hazrat yusuf alaihissalam ko maar daalo ya kishi aur zameen me feink aav, taaki tumhare baap ki tawajjo sirf tumhare hi taraf rahe aur us ke baad (touba karke) neik loug ban jana”(surah yusuf, aayat-9)

yaani unhone muhswara kiya ki agar tum chahte ho ki baap sirf tumhare sath hi khalis muhabbat kare Hazrat yusuf alaihissalam ko raste se hatana jaruri he, is ke bageir baap ki kaamil mohabbat mayyasar nahi ho sakti.

wo musalman the kafir nahi the samaj rahe the ki ye azeem jurm bhi hoga, lekin hasad ki aaag ne unhe andha kar rakha tha.

wo apne irade ko amal me lane ka pukhta irada kar chuke the, albatta ye soch rahe the ki baad me touba kar lenge aur neik ho jayenge.

“Quraane paak me aage he ki”“unme se ek kehne wale ne kaha ki agar tum ko kuch karna he to yusuf (alayhesalam) ko qatl na karo aur unhe ek andhey kuve me daal do taki koi raah chalne wala unhe utha kar le jaaye”(surah yusuf, aayat-10)

ye roknewala aapka sabse bada bhai tha, jiska naam ‘yahuda’ tha, usne kaha qatl ek azeem jurm he, tumhara ye irada durust nahi.

albatta jangal me kishi kuve me daal do, sayad waha se koi gujare to ushe nikaal kar sath le jaye, is tarah tumhara matlab bhi pura hoga.

aur Hazrat yusuf alaihissalam bhi qatl se bach jayega, agar tum ne apne irade par amal karna hi he to yahi karo.(roohul maani, jild-7, safa-192)(tazkiratul ambiya alayhesalam, safa-169, 170)

“ bhaiyo ka Hazrat yaqub alaihisalam ke paas ijajat talab karna “

quran shareef me he ki

“(baap se jakar) kehne lage ki ay hamare baap aap ko kya huwa he ki Hazrat yusuf alaihissalam ke ma’amle me hamara eytebaar nahi karte halanki ham to unke kheir khwah he, kal usko hamare sath bhej dijiye ki wo hamare sath khaaye, khele aur beshaq ham uski nigehbaani karenge.

Hazrat yaqub alaihisalam ne farmaya ki beshaq muje uske le jane se gam hota he to me darta hu ki tumhari gaflat me usko koi bhediya na kha jaaye.

unho ne jawab diya ki agar inhe bhediya kha jaaye aur ham ek jama’at (unke sath mojud) ho to beshaq ham to (us wakt) kishi masraf ke hi nahi (bilkul hi gaye gujre hue)”(surah yusuf, aayat-11,12,13,14)

unka saher se bahar jane aur kheil ki ijajat talab karne ka muksud ye tha ki ham dusman se jang karne ke liye taiyyari karenge, doud me mukabla karenge, teer andazi me maharat hasil karenge,

agar wo sirf lahu va la’ab ke liye kheil ki ijajat talab karte to Hazrat yaqub alaihisalam unhe kabhi ijajat na deite, Hazrat yusuf alaihissalam chunki choute the.

is liye unhone kaha ay hamare abbajaan hamare choute bhai ko bhi hamare sath jane ki ijajat do, ye hamari jangi tarabeer deikh kar khus hoga.

aur jangali mewe, fal, hum use tod kar deinge, ye khayega kyunki ham unto ko chrane aur unhe chara khilane ka kaam bhi karenge unme jangli darkhto se fal bhi hasil karenge,

yakub alayhesalam chunki pehle hi khwaab deikh chuke the ki Hazrat yusuf alaihissalam par bhediye ne hamla kar diya he aur wo zameen bhi bhediyo wali thi, is liye aap ne kaha muje dar he ki ishe koi bhediya na kha jaye aur tum bekhabar hi raho.

Hazrat ibne umar radiallaho ta’ala anho se marvi he

huzoor nabi e kareem sallallaho alayhe wasallam ne farmaya

ki kishi shaksh ke samne eysha kalam na karo jisse ushe jhut ki rehnumai mile jeishe yakub alayhesalam ke beito ko malum nahi tha ki inshano ko bhediya bhi kha jata he,

jab unke baap ne ye kaha to unhe bhi jhut bolne ka mouka mil gaya, unhone kaha ki ye keishe ho sakta he ki bhaiyo ki ek jama’at..

Wo jo bahot takatwar ho.. Ki saamne ek bhai ko bhediya kha jaye, agar eysha ho jaye to ham kishi kaam ke nahi honge, hamare hote hue bhediye ki kya majal he ki hamare bhai ko kha jaaye..?

(roohul maani, jild-7, hissa-1, safa-196)

(tazkiratul ambiya alayhesalam, safa- 170, 171)

“ bhaiyo ka Hazrat yusuf alaihissalam ko taiyyar karna “

jab hazrat yakub alayhesalam kishi tarah bhi unke saath Hazrat yusuf alaihissalam  ko bhejne ke liye taiyyar na hue to unhone Hazrat yusuf alaihissalam ko kaha

kya tum hamare sath bahar jangal me chaloge..? Jaha ham doud me mukabla karenge aur unt wageira doudane aur dusri jangi tarabeer me mukabla karenge..?

Hazrat yusuf alaihissalam ne kaha ha jarur jaunga,

unhone kaha ki tum baap ko kaho, aapne sab bhaiyo ko saath liya aur baap ke paas aagaye, bhaiyo ne unki moujudgi me apne baap ki khidmat me arz ki

yusuf hamare sath jana pasand karta he, aap ushe ijajat de, aapne  Hazrat yusuf alaihisalam ki taraf tawajjo karte hue pucha, tumhara kya khyaal he…?

Unhone kaha bhai muje pyaar va mohabbat se sath le jana chahte he, is liye me unke sath jarur jaunga,

is tarah yakub alayhesalam bavajood iske nahi chahte the ki Hazrat yusuf alaihissalam ko bhaiyo ke sath bheja jaye, lekin takdir ke samne koi tadbeer ka ragar na hui, Hazrat yusuf alaihissalam ki marji aur kehne par bhaiyo ke sath bhejne par aamadagi jaher farmayi.(roohul maani, jild-7, hissa-1, safa-196)hazrat ibrahim ka waqia part 6 in hindi urdu(tazkiratul ambiya alayhesalam, safa-171)

Hazrat yusuf alaihissalam par bhaiyo ka zulm

jab wo Hazrat yusuf alaihissalam ko sath le kar chale to jab tak yakub alayhesalam samne the us wakt tak wo kandhey par utha kar chale, yakub alayhesalam us wakt tak khade deikhte rahe jab tak wo saamne rahe,

jab wo jangal me pahonch gaye aur apne baap ki nazro se ujal ho gaye to Hazrat yusuf alaihissalam ko zameen par feink diya aur apni adawat zaher karne lage

, kabhi bad-kalami karte aur kabhi maarte, aap ek bhai se bhaag kar dusre ke paas aate ki sayad wo mere sath hamdardi karega aur meri fariyaad sunega,

lekin wahi aap ko marna suru kar deita, aap ne unke irado ko jab samaj liya ki ye kya chahte he to waha se pukaar kar kaha

“ay mere abbajaan kaash aap Hazrat yusuf alaihissalam ko deikhte ki bhai us par kitna zulm kar rahe he..?

To aap kitne gamzada hote aur mere bhaiyo ke muj par mazalim ko agar aap deikhte to yakinan route, ay mere abbajaan ye kitni jaldi aap ke wade ko bhul gaye, kitni jaldi aap ki nasihato ko bhul gaye”

ye kehte hue Hazrat yusuf alaihissalam roye is haal me robil(aap ka bhai) ne aap ko zameen par gira diya aur sine par beith gaya aap ko qatl karne ka irada kiya,(allahu akber)

Hazrat yusuf alaihissalam ne farmaya ay mere bhai thaher ja, muje qatl na kar, qatl karna azeem jurm he.

(subhanallah, nabi ka makam kitna buland he.. Nabuwwat ke eylaan se pehle hi apne bhaiyo ko nasihat karke qatl jeishe azeem jurm se bacha rahe he)

robil(aap ka bhai) kehne tuje to bade khwaab aate the, ab tu apne khwaabo ko bula, jo tuje mere hatho se churaye, usne aapki gardan ko maroda,

aap ko qatl hi karna chahta tha ki aapne bade bhai ‘yahuda’ ko kaha ay mere bhai khuda se dar, mere aur muje qatl karne wale ke darmiyaan hamil ho ja,

aapke kehne par ushe kuch bhai hone ka khyaal aaya aur dil narm huwa, usne kaha ay mere bhaiyo kya tumne mere sath wada nahi kiya tha ki qatl nahi karenge..? Ab bhi aashan kaam karo, qatl na karo,

wo gusse me pehle kiye hue wade ko bhul chuke the, puchne lage kya kare..? Yahuda ne kaha ye karib hi kuwa he usme feink do ya to khud hi mar jayega ya koi kafile wale gujre to ushe nikaal kar sath le jayenge,

waha ek kuwa tha jo niche se khula aur upar se tang tha usme jab unhone aap ko feinkna chaha to aap kuwe ke kinare se lipat gaye, unhone aap ke hath peir bandh diye,

kameez ko utaar liya kyunki wo kameez ko khun se rang kar apne baap ke saamne azr peish karna chahte the, Hazrat yusuf alaihissalam unko keh rahe the mere bhaiyo mera kameez wapis kardo

taki me kuwe me nanga na rahu, lekin bhaiyo ne aap ki baat ko tasleem na kiya, aap ko kuwe me daalne lage to aap ne unhe kaha ay mere bhaiyo muje akele chod jaoge..? Unhone kaha ab tum chand, suraj, aur taaro ko bulao, wahi tumhari imdad karenge.

Aap ko ek doul me daal kar kuwe me latka diya gaya jab aadhe fasla tak doul pahonchi to upar se choud diya gaya us khyaal se ki zour se girne par mar jayega,

lekin  Hazrat yusuf alaihisalam paani me gire aur ek taraf patther tha, uspar beith gaye.(roohul maani, jild-7, safa-197)(tazkiratul ambiya alayhesalam, safa-171,172)

Hazrat yousuf alaihissalam ka waqiya history in hindi urdu 2 hazrat yusuf alaiissalam ka kuwe me haal

jab aap ko kuwe me dala gaya to aap ro rahe the, unhone(bhaiyo ne) aap ko upar se aawaz di aapne khyaal kiya sayad bhaiyo ko mere haal par rahem aa gaya aap ne unko jawab diya, unhone aap ko zinda samaj kar patther gira kar qatl karna chaha lekin ‘yahuda’ ne fir mana kar diya,

Hazrat yaqub alaihisalam ke paas wo kameez thi, jo aapke dadajaan “hazrat ibhrahim alaihissalam” ko jannat se lakar pahenayi gayi thi jab aap ko aaag me dala gaya tha,

Hazrat yaqub alaihisalam ne jab Hazrat yusuf alaihissalam ko bhaiyo ke sath rawana kiya to wo kameez aap ne unke gale me batoure taawiz daal di,

bhaiyo ne jab yusuf alayhesalam ko kuwe me dala to unki kameez utaar li thi, lekin farhiste ne aakar unke gale se wo taawiz utaar kar usse kameez nikaal kar unko pahenadi jisse kuwa jagmaga ne laga.

Hazrat ibne umar radiallaho ta’ala anho se marvi he Hadis e nabi huzoor nabi e akram sallallaho alayhe wasallam ne farmaya

jab Hazrat yusuf alaihissalam ko kuwe me dala gaya aap ke paas jibrail alayhesalam aaye aur kehne lage aap ko kuwe me kisne dala he…?

Aapne kaha mere bhaiyo ne, jibrail alayhesalam ne pucha bhaiyo ne kyu dala..?

Aapne kaha mere baap mujse mohabbat karte he, unhone muj par hasad kiya,

jibrail alaihisslam ne kaha kya tum yaha se nikalna chahte ho..?

Aapne farmaya ye ilteja sirf Hazrat yaqub alaihisalam ke khuda ki taraf he,

jibrail alaihissalam ne kaha fir tum khuda se dua karo.

Aapne jab dua padhi to allah ta’ala ne aapke ma’amlaat aashan kardiye, kuwe se nikaal kar misr ki baadshahi aata farma di, jo aapke wahem va gumaan me bhi na thi.

(roohul maani, jild-7, hissa-1, safa-198)(tazkiratul ambiya alayhesalam, safa-173)

Hazrat yusuf alaihissalam kuwe se bahar kis tarah nikle aur aap ko baadshahat kis tarah mili wo wakiyaat inshaallah aage aayenge..

“Hazrat yaqub alaihisalam ke beite route hue wapis loute”

quran shareef me he ki

“aur raat hue apne baap Hazrat “yusuf” alaihissalam ko ke paas route hue aaye, bole ay hamare baap ham doud karte nikal gaye.

aur apne asbaab(saamaan) ke paas choda to ushe bhediya kha gaya aur aap kishi tarah hamara yakin na karenge.

agarche ham sacche ho, aur uske Hazrat yusuf alaihissalam ke kurte (kameez) par ek zhuta khun laga laye, (Hazrat yaqub alaihisalam ne) kaha (ki nahi) balqi tumhare dilo ne ek baat tumhare waste banali he to sabr acha aur allah hi se madad chahta hu un bato par jo tum bata rahe ho(surah yusuf, aayat – 16, 17, 18)

unhone(bhaiyo ne) ek hiran ko zabah kiya, uske khun se Hazrat yusuf alaihisalam ke kameez ko rang kar baap ke paas laaye aur zaaher ye kiya ki bhediye ke khane ki wajah se ye khun aaludah ho gaya.

Hazrat yaqub alaihisalam ne kameez ko lekar apne chehra par dala aur rone lage yaha tak ki kameez ke khun se aapka chehra khun aaludah ho gaya.

aap keh rahe the ki mene aaj tak itna hakeem bhediya koi nahi deikha jisne mere beite ko kha liya ho lekin kameez ko na fhada ho, ye kehte kehte aapne fir rouna suru kar diya.

yaha tak ki aap par behosi taari ho gayi, aapke beito ne aap par paani chidka, lekin aap ko hous na aaya.

aur na hi aap ke jism me koi harkat peida hui, wo aapko pukaar rahe the lekin aap koi jawab nahi de rahe the, yahuda ne apna hath aapki naak aur mooh par rakha.

lekin ushe shansh ka chalna mehsus nahi ho raha tha aur na hi aap ki koi nabd chal rahi thi, yahuda ne kaha hame qayamat ke din jaza dene wale maalikul mulk se azaab hi hasil hoga.

hamne apne bhai ko bhi zaya kar diya aur baap ko bhi qatl kar diya, wo tamam raat yakub alayhesalam ne behoshi me guzaar di, sehri ke wakt hous aaya.(roohul maani, jild-7, hissa-1, safa-201)(tazkiratul ambiya alayhesalam, safa-174)

“Hazrat yusuf alaihissalam ka kuwe se bahar aana “

qurane paak me he ki

“aur ek kafila gujra to kafile walo ne apna ek paani laanewala bheja to usne apna doul dala (aur khincha) to wo bola aaha kya khushi ki baat he.

ki ye to (doul me) ek ladka he aur usko ek sarmaya(tijarat) bana kar chipa liya (taki koi daavedaar na nikal aaye) aur jo kuch wo kar rahe the allah ta’ala ke ilm se kuch poshida na tha”

(surah yusuf, aayat-19)

hazrat ibne abbas radiallaho ta’ala anho farmate he ek kafila madina se misr ki janib rawana huwa, wo kafila wale rasta bhatak gaye, wo idhar-udhar firne lage.

ki rasta mil jaye, ishi dovraan unhe wo kuwa nazar aaya jisme Hazrat yusuf alaihissalam the, halanki wo kuwa eyshe bayabaan jangal me tha jaha charwaho ke bageir koi shaksh na aata.

kafila walo ne kuwa deikh kar apne ek shaksh malik bin z’ar khzaai ko bheja taki waha se paani le aaye, usne jab kuwe me doul dala.

to Hazrat yusuf alaihissalam  usse lipat gaye, is tarah aap bahar tasreef laaye, malik bin z’ar khzaai ne aap ke husn va jamaal ko deikh kar khusi se kaha kitni khusi ki baat he ye to ladka he, yaani kitna khubsurat ladka hamare hath me aa gaya, jo hamare liye bahot bada sarmaya banega.

(tafseere kabeer, jild-18, safa-105)namrud badshah history hindi hazrat ibrahim alihissalam 5

 husne Hazrat yousuf alaihissalam

Hazrat yusuf alaihissalam ka chehra bahot haseen tha, baal ghungariyale, aankhe moti va khubsurat, tamam aaza(jism ke tamam hisse) me azeeb kism ka eytedaal paya jata tha.

rang safeid gandum goh surkhi mail, kalaiya aur pindaliya moti, peit chouta, naaf choti thi aur jab aap muskurate the to aap ke danto se noor ki roshni nikalti thi.

jab kalam farmate to aapke samne wale danto se noor ki roshni nazar aati aur kishi shaksh me us wakt ye awsaaf nahi paye jate the, aap ka husn eyshe jalwagar tha jeishe din ki roshni,

itne haseen ladke ko deikh kar nikaalnewale ko ta’ajub kyu na hota ki aap ke husn aur kheir va barkat se mehrumi par to kuwe ki diware aur patther bhi roye.(tafseere kabeer, jild-18, safa-105(roohul maani, jild-7, safa-203)(tazkiratul ambiya alayhesalam, safa-176)

bhaiyo ka Hazrat yusuf alaihissalam ko khote sikko se beichna quran shareef me he ki

aur bhaiyone use khote damo ginti ke rupyo par beich dala aur unhe usme kuch ragbat na thi”(surah yusuf, aayat-20)

agarche aap ko kuwe se nikalne walo ne kimti sarmaya samaj kar chipa kar rakha tha ki misr me jaakar ushe beich karke bahot bada maal hasil karenge lekin aap ke bhai 3 dino ke baad aap ke haal ka pata chalane ke liye aaye ki yusuf zinda he ya mar chuka he..?

Kuwe par aaye to deikha ki Hazrat yusuf alaihissalam kuwe me to nahi, idhar-udhar deikha to ek kafila nazar aaya unse puchne par pata chala.

ki unhone ek ladke ko nikala he, aapke bhaiyo ne kaha ye hamara gulam he, jo bhag kar aagaya he.

agar tum kharidna chahte ho to ham tumhe sasta beich deite he aur tum ishe kishi door ilake me le jaao taki ishe bhagne ka maza aaye,

Hazrat yusuf alaihissalam bhi bhaiyo ke dar se khamosh the, aapne bhi na bataya ki me inka bhai hu gulam nahi, aakhirkaar aapko 20 ya 22 khote dirhamo se beich diya gaya.(tazkiratul ambiya alayhesalam, safa- 176)history of kaba sharif hazrat ibrahim hindi part 8

 “Hazrat yusuf alaihissalam ka bhaiyo ko alwidai-salam “

jab aap ke bhaiyo ne aap ko khote dirhamo se beich diya to tajar (khridne wale) ko kaha ki ye chour he aur bhaag bhi jata he, to us tajar ne aapko qeid kar liya.

aur aapki nigehbaani ke liye ek habsi gulam ko aap par mukararr kar diya, jab waha se jaane lage to aap roune lage, tajar ne Hazrat yusuf alaihissalam se pucha aap kyu ro rahe he..?

Hazrat yusuf alaihissalam  ne farmaya jin logo ne muje beicha he me unko alwidai-salam karna chahta hu, yaani eysha salam karna chahta hu jo kabhi na loutne wala karta he,

tajar ne apne gulam ko kaha isko apne maliko ke paas le jao taki ye unhe alwidai-salam kar aaye, fir kafila se mil jana, mene aaj tak itna farma bardaar gulam nahi deikha jo apne maliko se itni mohabbat rakhta ho aur itne zalim koi malik nahi deikha jitne zalim iske malik he.

Wo gulam aap ko aap ke bhaiyo ke paas le aaya aur sab soye hue the, unme se ek bheid-bakariyo ki hifazat kar raha tha, jo jaag raha tha,

Hazrat yusuf alaihissalam  apne muhafiz gulam ke saath peir me bediya lage, ladkhrate, uske paas pahonche, roune lage,usne pucha tum kyu aaye ho..?

Hazrat yusuf alaihissalam ne kaha me tumhe alwidai-salam karne aaya hu jise tum kabhi na deikh sakoge,

(wo bola) haay afshos, haay barbaadi, ye keisha alwida he (mumkin he ye yahuda ho wo kuch Hazrat yaqub alaihisalam se narmdil rakhta tha)sab jaag pade,

Hazrat yusuf alaihissalam ek ek bhai par mohabbat se sar juka kar bouse leite hue gale mil rahe the,

(subhanallah.. Unke zulm ko deikhe aur yusuf alayhesalam ki mohabbat ko deikhe)

aap chalte hue farma rahe the

“allah tumhari hifazat kare, agarche tumne muje zaya kar diya, allah ta’ala tumhe apne gharo me kayam va dayam rakhe, agarche tumne muje gharse nikaal diya, allah ta’ala tum par rahem kare, agarche tumne muj par rahem nahi kiya”

aap ke alwidayi salam, rakt aameez kalamaat, dukh bhari fariyaad ka asar bheid-bakariyo par itna sadid huwa ki unke us howlnaak manzar se hamal kar gayi.

(roohul maani,jild-7, hissa-1, safa-205, 206)(tazkiratul ambiya alayhesalam, safa-177)

 Hazrat yusuf alaihissalam ka walida ki qabr par rona

bhaiyo ko aap ne alwida kar diya to aapko gulam ne pakad kar apne sath chala liya taki kafila se mil jaye.

aapko bediya laga kar ek sawari par sawar karke sath le jaya ja raha tha, kan’aan ke qabrstaan se jab aapka gujar huwa.

to apni walida raahil ki qabr ko deikh kar aap apne jazbaat par kaabu na rakh sake,

sawari se utar kar qabr se lipat kar route hue arz karne lage “ay meri maa, qabr se sar utha kar zara apne beite ko bediyo me jakda huwa to deikho,

ay meri maa, bhaiyo ne muje kuwe me feink diya, baap se muje juda kar diya, khote sikko se muje beich dala, meri choti umar par bhi unka dil na peja, unhe muj par kuch rahem na aaya,

allah ta’ala se sawal karta hu ki muje aur mere walid ko makame rehmat me jama kare, wahi ‘ar rahamul rahmeen’ he.(roohul maani, jild-7, hissa-1, safa-206)(tazkiratul ambiya alayhesalam, safa-177, 178)

gulam  ke Hazrat yusuf alaihissalam ko thappad maarne par kehre khudawandi

gulam ne piche deikha to Hazrat yusuf alaihissalam ko na paya wapis aaya to deikha ki aap(Hazrat yusuf alaihissalam) ek qabr ke paas ro rahe he.

usne kaha tumhe beichne walo ne sach kaha tha ki tum ek bhagode ho (maazallah) ye kehte hue usne Hazrat yusuf alaihissalam ko ek zourdaar thappad maar diya.

(astagfirullah) jisse aap behoush ho kar gir gaye, fir jab aapko hous aaya to aapne kaha muje kuch na kahe, ye to meri maa ki qabr he.

me apni maa ko alwidai salam karne ke liye sawari se utar gaya tha, aainda eysha koi kaam nahi karunga jo tumhe na pasand ho.

aapka chehra khun se aaluda tha, aur girne ki wajah se mitti lagi hui thi, kaanpte hue rabb ki bargaah me arz karne lage

“ay allah agar meri koi khtaa he to muje mere aabaa ibhrahim, ishaak aur Hazrat yaqub alaihisalam ki hurmat ke waseele se maaf karde”

aapki is halat ko deikh kar aashman ke farihste bhi chilla uthe aur allah ta’ala ki bargaah me aapke liye fariyad karne lage

allah rabbul ijjat ne irshad farmaya

“ay mere faristo ye mera nabi he aur mere ambiya ka beita he jo mujse fariyaad kar raha he aur mujse hi imdaad ka taalib he, me hi uska fariyadras hu, sab fariyaad karne walo ki fariyaad ko me hi pahonchta hu,

aur aage farmaya

“ay jibrail jaao mere bande ki imdaad karo”

jibrail alayhesalam ne aakar Hazrat yusuf alaihissalam se kaha ay allah ta’ala ke dost tumhara rabb tumhe salam kehta he aur tumhe ye kehta he

“roune se rook jao, tumne saat(7) aashmano ke faristo ko rula diya he, kya tum ye chahte ho zameen va aashmaan ek ho jaaye..?”(allahu akber)

Hazrat yusuf alaihissalam ne farmaya nahi nahi, muje allah ta’ala ne apni sifate hilm(burdbari) ata ki he aur wo jaldbaazi nahi karta to me bhi jaldi se kaam nahi leita.

jibrail alayhesalam ne apna par mara, zameen se surkh rang ki hawa chalne lagi, suraj ki roshni khtm ho gayi.

surkh aandhi se andhera cha gaya, kafile wale ek dusre ko deikh nahi sakte the,

tajar ne kaha ay kafile walo apni sawariyo se utar kar apne aap ko halaqat se bachao, muje kai saal ho chuke he is rasta se gujarte hue mene aaj ke din ki tarah koi din nahi deikha.

sab apne apne gunaho ki ma’afi mango, aaj ki musibat yakinan hamari kishi gunah ka natija he, is wakt Hazrat yusuf alaihissalam ke muhafiz habsi gulam ne bataya.

ki mene Hazrat yusuf alaihissalam ko mara tha jab mara to usne apna sar aashmano ki taraf uthaya tha aur apne hontho ko bhi harkat di thi,

tajar ne kaha afshos tumhari barbadi..! Tumne hame bhi aur apne aap ko halaq kar diya, tajar Hazrat yusuf alaihissalam ke paas aaya.

aur kehne laga ay ladke hamne tumhe maar kar tum par zulm kiya he, ay ladke agar tum badla leina chahte ho to badla le lo ham hazir he,

Hazrat yusuf alaihissalam ne farmaya

“ham zalimo se badla nahi liya karte, me to us ghraane se ta’aluq rakhta hu, jo zulm karne walo ko ma’af kar deite he.

unke liye magfirat ki dua karte he, me tumhe ma’af kar raha hu, allah bhi tumhe ma’af kare”

aapke ma’af karne ke sath hi andhera khatm ho gaya, aandhi rook gayi, suraj roshan ho gaya, masrik va magrib tak roshni feil gayi, is tarah kafila misr me aman se aagaya.

(roohul maani, jild-7, hissa-1, safa-206)(tazkiratul ambiya alayhesalam, safa-178,179)

subhanallah nabi ki kya shaan he.. Nabi par zulm karne wale keishe giraft me aaye..

Aur nabi kitna sabir, ki zalimo ke liye dua e kar raha he.

Hazrat yusuf alaihissalam ka bazare misr me souda “

Hazrat yusuf alaihissalam ko misr me laya gaya to aapko bazar me bahesiyat gulam beicha jane laga to aapke husn va jamal ki wajah se kimmat badhti chali gayi.

yaha tak ki aapki kimmat yaha tak pahonch gayi ki aap ke wazan ke barabar kasturi, chandi aur reisam diya jaye,

itni badi kimmat ada karne ki aam logo me taakat na thi is liye aapko misr ke wazeer ne itni kimmat ada karke kharid liya, uska laqab ‘azize misr’ tha,(tazkiratul ambiya alayhesalam, safa-179)azize misr ne jab aapko kharida tha us wakt aapki umar 17 saal thi.(tafseere kabeer, jild-18, safa-108)

Hazrat yusuf alaihissalam naaz va ne’amat me “

quraane majeed me allah rabbul ijjat irsaad farmata he

“aur misr ke jis shaksh ne ushe kharida wo apni aurat se bola, inhe ijjat se rakho, sayad unse hame nafa pahunche.

ya inko ham beita banale, aur ishi tarah hamne Hazrat yusuf alaihissalam ko is zameen me jamaav diya.

aur isliye ki ushe baato ka anjaam shikhaye aur allah apne kaam par gaalib he magar aksar aadmi nahi jante”(surah yusuf, aayat-21)

azize misr ne aapke lohe zabih par sa’aadat va nazabat ke nakush(chap) deikh liye the, badi mohabbat se ghar laya aur apni biwi se kaha.

ki bada pyara baccha mil gaya he iske aaram ka har wakt khyaal rakhna iski kishi tarah dil aazari na ho, iski shakl va surat kishi shandaar mustaqbil ki gamazi kar rahi he, ho sakta he kishi din hamare liye ye mufid sabit ho ya ham ishe apna beita bana le,

us aurat ka naam ‘raeeil’ ya ‘zulekha’ tha.(tazkiratul ambiya alayhesalam, safa-180)

>> Hazrat yusuf alaihissalam ek martaba phir imtehaan me :-

quraane majeed me allah ta’ala irsaad farmata he

“aur wo (Hazrat yusuf alaihissalam) jis aurat(azize misr ki biwi) ke gharme tha usne ushe lubhaya ke apna aapa na roke.

aur darwaze sab band kar diye aur boli aao me tumhi se kehti hu, (Hazrat yusuf alaihissalam ne) kaha allah ki panah wo aziz(azize misr) to mera parwarish karnewala he usne muze achi tarah (ghar me) rakha.

beshaq zalimo ka bhala nahi hota, aur beshaq aurat ne uska irada kiya aur woh bhi aurat ka irada karta agar apne rabb ki dalil na deikh leita, hamne yuhi kiya ki usse burai aur behayai ko ferde beshaq wo hamare chune hue bando me se he”

(surah yusuf, aayat – 23, 24)

wo aurat(azizi misr ki biwi) darwaje band kar ke apne ek butt ko dhaanp rahi he, wo jo usne apna ma’abud bana rakha tha aur yakut se ushe saja rakha tha, Hazrat yusuf alaihissalam ne usse pucha tum use kyu dhaanp rahi ho…? Usne kaha muje apne ma’abud se sarm aati he ki wo muje burai me deikhe,

Hazrat yusuf alaihissalam ne farmaya teira ma’abud to kuch taakat bhi nahi rakhta tuje sarm aarahi he kya muje us ma’abud haqiqi se sarm nahi aati jo har inshan ke har amal ko deikh raha he..? Mujse tu apni ummid wabasta na kar, tu kabhi bhi mujse apni hajat me kaamyab nahi ho sakti.

(subhanallah..)

Hazrat yusuf alaihissalam ne roshan dalil ke tour pe ye deikha..

Hazrat ibne abbas radiallaho ta’ala anho se marvi he beshaq Hazrat yusuf alaihissalam ko hazrat yakub alayhesalam ki surat deikhai gayi jinhone aapke sina par hath mara.(roohul maani, jild-7, safa-214)

hazrat qatada radiallaho ta’ala anho se marvi he aap farmate he ki hame bataya gaya he ki Hazrat yusuf alaihissalam ko Hazrat yaqub alaihisalam dikhai diye ki aap apni ungaliyo ko danto se kaat rahe he.

aur farma rahe he ay yusuf khyaal rakhna aysha kaam bewakoof karte he tumhara naam to ambiya e kiraam me likha ja chuka he.(roohul maani, jild-7, safa-214)

zulekha(azize misr ki biwi) ne agarche chaha ki aap ko gunaho me mubtila karde leqin allah ke nabi nabuwwat se pehle aur nabuwwat ke baad chote-bade gunaho se paak hote he is liye allah ta’ala ne yusuf alayhesalam ko waajeh aur roshan dalil deikha kar paak va saaf rakha.

(tazkiratul ambiya alayhesalam, safa-181,182)

Hazrat yusuf alaihissalam par aurat ka ilzaam “

quran sareef me he ki

“aur dono darwaze ki taraf doure Hazrat yusuf alaihissalam aage aage aur zulekha piche piche) aur aurat ne Hazrat yusuf alaihissalam ka kurta piche se (khinch kar) cheer diya, phir achanak dono ko aurat ka khawind(sohar) darwaze ke paas mil gaya tab aurat ne (apna jurm chipane ke liye baat banai aur) kaha jis aadmi ne teri aurat se badi(बदी) karni chahi uski saza siwaye uske kya honi chahiye ki use qeid me dala jaye ya koi aur dardnaak saza di jaye”

(surah yusuf, aayat-25)

jab aurat ne aapko andar bandh kar liya to Hazrat yusuf alaihissalam ne apne aapko gunaho se bacha ne ke liye darwaza ki taraf bhaagna suru kiya taaki darwaza khoul kar bahar nikal jaaye,

auratne piche bhagna suru kiya taaki aapko pakadle, Hazrat yusuf alaihissalam ko pakadne me to kaamyab na ho saki, albatta aapki kameez(kurta) piche se usne pakad li chunki aap doud rahe the, doudte hue kameez pakadne ki wajah se piche se phat gayi,

ushi douraan us aurat ka sohar darwaje par pahonch gaya, wo(aurat) tohmat ke dar se jaldi se apne eiyb ko

Hazrat yusuf alaihisalam ki taraf mansub karne lagi ki ye tumhari zovja se burai ka irada rakhta tha, is liye qeid khana me bhej do ya shakht saza do.(tazkiratul ambiya alayhesalam, safa-185, 186)hazrat musa alaihassalam story in hindi urdu part 16

Hazrat yusuf alaihissalam ke sacche hone ki gawahi

quran sareef me allah rabbul ijjat irsaad farmata he

Hazrat yusuf alaihissalam ne kaha us(aurat) ne muzko lubhaya ki me(fash jaau aur) apni (paak daamani ki) hifajat na karu (magar meine hargiz eysha nahi kiya) aur aurat ke gharwalo me se ek gawah ne gawahi di

(deikha jaaye) agar unka(yusuf alayhesala ka) kurta(kameez) aage se chira he to aurat sacchi he aur unhone galat kaha, aur agar unka kurta piche se chira huwa(he) to aurat zhuti he aur ye sacche

, fir jab azizne usHazrat yusuf alaihissalam ka kurta piche se chira deikha(haqiqat ma’alum karli aur) bola beshaq ye tum aurato ka charitr he beshaq tumhara charitr bura he,

(fir azize misr ne kaha ki) ay Hazrat yusuf alaihissalam tum uska khyaal na karo aur ay aurat tu apne gunaah ki ma’afi maang beshaq tu khatawaro me he”(surah yusuf, aayat-26, 27, 28, 29)

gawahi deinewala us aurat ka ristedaar ladka tha, jo abhi chota bacha tha uski umar 3 maah thi, allah ta’ala ne ushe bolne ki taakat di, us se gawahi dila kar Hazrat yusuf alaihissalam ko ilzaam se bari qarar diya,

agarche itni umar me bacche ka bolna hi aap ki paak-damani ko sabit karne ke liye kafi tha, lekin allah ta’ala ne us se eysha hakimana jawab dilaya jo bahot badi mazbut dalil bhi ban gayi,

aage se kameez ke phatne ka matlab ye hota he ki aap ne iska irada kiya, usne mazahammat ki girebaan pakad kar piche kiya to kameez aage se phat gayi,

agar eyshi surat hoti to aurat ka saccha hona sabit hota, lekin piche se kameez phatne se waajeh ho raha tha ki aapko zabardasti kamra me bandh kiya gaya, aap jaan churane ke liye bhaage

aapko piche se pakad ne ki koshis ki gayi to kameez piche se phat gayi,is jawab aur daleel par hi azize misr ne aapko kaha aap sacche he, kuch gam dil me na laaye aur apni zovja ko kaha

ye tumhara makr he tum apne gunaho ki maafi mango.(roohul maani, jild-7, hissa-1, safa-221)(tazkiratul ambiya alayhesalam, safa-187, 188)

Hazrat yusuf alaihissalam or zulekha ka waqiya in hindi urdu history 4 azize-misr ki aurat par misr ki aurato ki taana-zani

quran shareef me he ki “aur(jab us wakiye ka charcha feila to) saher me kuch aurate boli ki aziz ki bibi nov-jawan ka dil lubhati he beshaq unki mohabbat uske dil me peir gayi he hamto ushe sarih khud raftaa pate he”(surah yusuf, aayat-30)

wo wakiya pure saher me mashoor ho gaya tha, kayi aurate kehne lagi ki aziz ki biwi kitni galti par he jo apne ghar rakhe hue nav-jawan se itni sadid mohabbat karti he ki ushe kuch aur nazar hi nahi aata,

uske dil par mohabbat ne is tarah gheira daal liya he jis tarah kishi chiz ka gilaaf ushe apni lapeit me leita he aur wo mohabbat

uske dil aur baaki chizo me hijaab ikhtyaar kar chuki he ki siwaye us nav-jawan ke aur kishi chiz ka pata hi nahi, ham to ushe us nav-jawan se sadid mohabbat karne me raah rasta se bhatka huwa paate he.(tazkiratul ambiya alayhesalam, safa-188)

“Hazrat yusuf alaihissalam ko deikh kar aurato ne apne hath kaat liye”

quran shareef me he ki

“to jab zulekha ne unka charcha suna to un aurato ko bula bheja aur unke liye masnade taiyyar ki aur unme har ekko churi di aur (iske baad)

Hazrat yusuf alaihissalam se kaha unpar nikal aao jab auratone Hazrat yusuf alaihissalam ko deikha uski badaai bolne lagi aur apne haath kaat liye aur boli allah ko paaki he

ye to jinse basarse nahi ye to nahi magar koi mo’azziz farista(jo khubsurat aurato ki taraf nazar utha kar bhi nahi deikhta), (tab) zulekha ne kaha to ye he wo jin par tum muze tana deiti thi aur beshaq meine unka ji lubhana chaha to unhone apne aapko bachaya aur beshaq agar woh ye kaam na karenge jo me unse kehti hu to zarur keid me padhenge aur zarur zillat uthaenge”(surah yusuf, aayat – 31, 32)

aziz ki zovja ne un aurato ki da’wat ki jo uske muta’alak baate karti thi, wo bade bade sardaro, wazeero ki biwiya thi, jinki tadaad 40 thi, unme 5 aurate ye bhi thi jo bahot baate karti thi

1) aziz ko paani pilane wale ki zovja,

2) wazeer e jeil ki zovja,

3) rotiya pakane wali aurat, jisne itne arse me Hazrat yusuf alaihissalam ko nahi deikha tha,

4) aziz ke janwaro ke muhafiz(hifazat karne wale) ki zovja,

5) darbaan ki zovja,

da’wat ki majlis me har ek ke liye nasihat mukararr thi, takiye laga diye, dastarkhwaan par tarah tarah ke khane chun diye gaye, fal bhi rakh diye gaye, falo ya gost ya khaas kar limbu kaatne ke liye churiya bhi rakh di gayi, har beithak ke samne ek ek churi rakhi gayi thi, yusu

jab aurate aagayi apni apni beithak par beith gayi, to aziz ki zovja ne aap Hazrat yusuf alaihissalam ko hukm diya ki aap apne kamre se bahar niklo aur un aurato ki mehfil ke samne se gujar jaao taaki ye aapki ek jhalak deikh le,

Hazrat yusuf alaihissalam pehle hi us aurat ki ek saazis ka sikaar ho chuke the, allah ta’ala ne aapko bari kar diya tha, ab yahi khouf dil me aa raha tha ki iska hukm na manne par koi nayi musibat na khadi ho jaye, aapko majburan nikal kar aurato ke saamne se gujarna padha,

jab Hazrat yusuf alaihissalam unke saamne se gujre…

“to wo aapko deikh kar itni dahesat me aa gayi ki fal le kar unko churiyo se kaatne lagi thi, lekin apne haath kaat kar zakhmi kar liye”

ya unhone apne hath is wajah se kaat liye ki aapko deikh kar is tarah madhosh hui ki unhe ye pata na chal saka ki wo churiya sidhi pakad rahi he ya ulti, (churi ki) sidhi janib apne hatho ki taraf kardi aur ulti janib falo ki taraf karke falo ko kaatne ke garz se churiyo ko jeise chalaya to haath kat gaye.

Ye bhi mumkin he kuch aurato ne churiya ulti chala kar apne haath kaat liye ho aur kuchne fal kaat kar haatho tak churiya chala di ho.(tafseere kabeer, jild-18, safa-127(tazkiratul ambiya alayhesalam, safa- 189, 190)

haath kaatne ki wajah jamaale Hazrat yusuf alaihissalam par madhosh hona

un aurato ne Hazrat yusuf alaihissalam ko umda jamaal aur kaamil husn ki wajah se azeem samja tha yahi wajah thi un ke haath kaatne ki,

Hazrat yusuf alaihissalam ko husn va jamaal me baaki logo par is tarah fazilat hasil thi jis tarah chodhvi(14vi) ke chand ko sitaro par fazilat hasil hoti he,

ek martaba hamare aaqa huzoor nabi e kareem sallallaho alayhe wasallam se pucha gaya ya rasoolallah sallallaho alayhe wasallam aapne

unhe Hazrat yusuf alaihissalam ko keishe paya to huzoor sallallaho alayhe wasallam farmaya eyshe hi jeishe chodvi(14vi) ka chand,

Hazrat yusuf alaihissalam jab misr ki galiyo me chalte to aap ke chehre ki nooraniyat ki wajah se diware is tarah roshan ho jati jis tarah suraj ki kirno se roshni feil jati he,

(aurato ke haath kaatne ki) sabse badi wajah ye thi ki un aurato ne aap ki nooraniyat va resalat ke aasaar ko deikha aur nabuwwat ke reb va jalaal ka musahida kiya aur jab ye deikha ki ye shaksh to farista-sirat he, isne t’aam ko nahi deikha

, ham navjawan aurato ko nahi deikha, ishe hamari zara parwah tak nahi hui, zaaheri surat bhi azeem aur sirat bhi azeem, bas yahi deikh kar unhone ta’ajub kiya madhosh ho gayi, apne hous va havaas kayam na rakh saki,

aur itna samaj liya ki ye koi aam inshan nahi ye to koi makarrab farista he,haa, ye kyu na hota, jab ki nabi ka makam faristo se buland tareen hota he.(tafseere kabeer, jild-18, safa-127)(tazkiratul ambiya alayhesalam, safa-190,191)aaiye ek nazar hamare aaqa huzoor sallallaho alayhe wasallam ke husn va jamaal par deikhte he

hamare aaqa imaamul ambiya sallallaho alayhe wasallam chand se bhi zyada haseen :

hazrat jabir radiyallahu tala anh ta’ala anho farmate he

meine chandani raat me nabi e kareem sallallaho alayhe wasallam ko deikhato me kabhi pyare huzoor sallallaho alayhe wasallam ko deikhta

aur kabhi chand ki taraf, jab ki aapne surkh(laal) dhariyo wala libaas zebtan(pahen) kar rakha tha aap muje chand se bhi zyada haseen nazar aa rahe the.(miskaat sareef, jild-2, safa-517)

Hazrat yusuf alaihissalam ka qeid-khane ki dua karna aur us dua ka qabool hona

quraan sareef me he ki

Hazrat yusuf alaihissalam ne arz ki ay mere rabb muze qeidkhana zyada pasand he us kaam se jiski taraf ye muze bulati he aur agar tu muzse unka makr na ferega to me unki taraf maail hounga aur naadaan banuga,

to uske rabb ne uski sunli aur usse aurato ka makr feir diya beshak wohi (har ek ki dua) sunta janta he,

fir jab kuch nishaniya deikh dikha kar pichli mat unhe yehi aai ke zarur ek muddat tak ushe qeidkhane me dale”(surah yusuf, aayat – 33, 34, 35)

jab azize misr ki zovja(biwi) ne misr ki aurato ke saamne kaha ki agar isne meri baat ko na mana to ishe qeid-khana me jana padhega aur zalil hona padhega to da’awat par bulai hui

tamam auratone ijtemai tour par Hazrat yusuf alaihissalam ko samjana suru kiya, kehne lagi tumhare liye ye behtar nahi ki tum uske hukm ki mukhalifat(khilaaf) karo kyu ki mukhalifat ki surat me tumhe qeid-khana me jana padhega aur zillat uthani padhegi,

ab Hazrat yusuf alaihissalam ko chand muskilaat ka saamna tha,

aapne dua ki

“ay allah tu muje in aurato ke makr se bacha sakta he, agar teira fazal na ho to inshan eyshe gunaho me mubtila ho kar jahil ban jata he, ay allah muje jis kaam ki ye da’awat de rahi he us se behtar mere liye qeid-khana hi he”.(tafseere kabeer, jild-18, safa-130)

azize misr aur dusre tamam loug  Hazrat yusuf alaihissalam ki paak daamani ka yakin kar chuke the.

Lekin aapko sirf zaaheri maslehat ke peishe nazar unhone qeid-khana bhejne ka feishla kiya tha

kyu ki azize misr ki zovja ke alawa ab dusri aurate bhi aap par aashik ho chuki thi, ghar ghar Hazrat yusuf alaihissalam ke husn va jamaal ka charcha ho raha tha.

wo loug apni aurato ko rokne me to naakaam ho gaye, albatta aapko qeid-khane me bhejne ka unhe ek hal samja tha, ye asal me aapki apni dua ka asar hi tha.

Is tarah aziz ki zovja ne apne sohar ko kaha ki ye ibrani gulaam muje badnaam kar raha he ki mene ushe apni taraf mail karna chaha lekin wo bach gaya.

wo chunki bahar nikal sakta he aur me gharme mahbus hu ya muje bhi baahar bazaro me jakar uska jawab deine ki ijajat di jaye ya ushe bhi qeid kar liya jaaye,to is tarah aziz aur dusre wazeero ne aapko qeid me bhijwa diya.(roohul maani, jild-7, hissa-1, safa-237)(tazkiratul ambiya alayhesalam, safa-192, 193)

qediyo ka hazrat yusuf alayhesalam se barkat hasil karna :-

Hazrat yusuf alaihissalam jab qeid-khana me gaye to waha qeidiyo ko deikha ki qediyo ki ummide tuti hui he, sadid masaib aur taveel(lambe) gamo me mubtila he,

aapne un ko tasalli deite hue kaha khus ho jaao, sabr karo allah ta’ala sabr ka ajr zarur aata farmata he,qoum ne kaha ay jawan aap ka chehra kitna haseen he…?

Aap ki surat kitni hi khubsurat he…?Aapke kitne hi acche akhlaq he…?

Jab se tumne hame bataya sabr par ajr he aur musibat gunaho ka kaffara he aur masaib va aalaam gunaho se pakizgi ka zariya he to hame tumhare qurb aur nasaaih se barkat hasil ho gayi he,

unhone pucha ay jawan tum koun ho…?

Aapne bataya me Hazrat yusuf alaihissalam ibne yakub ibne ishaak ibne ibrahim (alaihssalam) hu,

qeid-khana ke nazim e aala(unche darje par kaam karne wala) ne kaha ay navjawan agar mere ikhteyaar me hota to me tumhe aazad kar deita,

ye to mere ikhteyaar me nahi, albatta tumhare padosh me rehne wale qeidiyo par acha suluk karunga.(tazkiratul ambiya alayhesalam, safa-194)

“qediyo ka Hazrat yusuf alaihissalam se khwaab ki ta’abir puchna “

quraan e majeed me he ki

“aur uske Hazrat yusuf alaihissalam ke sath qeidkhana me do jawan dakhil hue unme ek bola meine khwaab deikha ke sarab nichorta hu aur dusra bola meine khwaab deikha ki mere sar par kuch rotiya he jinme se parindey khate he hame uski ta’abir bataiye beshaq ham aapko neikukaar deikhte he”

(surah yusuf, aayat-36)

ek ne apna khwaab bayan kiya ki

“meine angoor ki ek bahot khubsurat beyl deikhi jiski 3 saakhe he aur un par angoor ke gucche lage hue he, me unhe nichor kar baadshah ko pila raha hu”

(khyaal rahe ki sarab bhi angoor ke nichor se hi banti he is liye us shaksh ne angoor nichor ne ko sarab nichor ne se ta’abir kar diya)

dusre ne apna khwaab bayan kiya ki

“meine deikha ki me baadshah ke rasoyi khana(khana banane ka kamra) se nikal raha hu aur meire sar par 3 tokariya rotiyo ki he jinke upar se parinde kha rahe he”

(roohul maani, jild-7, hissa-1, safa-239)

Hazrat yusuf alaihissalam jab qeid-khana me aaye the, aapne bataya ki me khwaabo ki ta’abir bayan karta hu, kai lougo ko aap pehle bhi khwaabo ki ta’abir bata chuke the,

jo sacche sabit hue the, is liye un do shaksho ne bhi aapse ta’abir puchi ki aap sacche ta’abir batate he, aap sahibe ilm he, aap bahot ache shaksh he, tamam qeidi Hazrat yusuf alaihissalam ke acche afaal par muttela the,

aap namaz, roza ke paband the, har kism ke neiki ke kaam karna aapki aadat sareef thi, aapke acche akhlaq kishi par chupe na the, aap marizo ki iyadat karte, gamnaak lougo ke dilo ki dharish bandhte,

aapke fazail va kamalaat ko deikh kar un dono qediyo ne aap se haqiqatan deikhe hue khwaabo ki ta’abir puchi ya sirf Hazrat yusuf alaihissalam ko aazmane ke liye man-ghadat khwaab bayan kiye,

ek qoul ye he ki qeid-khana me jab Hazrat yusuf alaihissalam ne bataya ki me khwaab ki ta’abire janta hu, to un dono ne ek dusre ko kaha ki us ibraani gulaam ki aazmaish karni chahiye,

ham apne taraf se khud khwab bana kar us par peish kare, unhone eysha hi kiya agarche unhone koi khwaab nahi deikha tha khud hi khwaab bana ke sawal kiya.

Hazrat ibne mas’ud radiallaho ta’ala anho ne farmaya unhone koi khwaab nahi deikhe the balki Hazrat yusuf alaihissalam ke ilm ko aazmane ke liye khud hi khwaab ghade the.(tafseere kabeer, jild-18, safa-134)(roohul maani, jild-7, safa-238)(tazkiratul ambiya alayhesalam, safa-194, 195)

Hazrat yusuf alaihissalam ka khwab ki tabir bayan karna

quraane majeed me he ki

Hazrat yusuf alaihissalam ne farmaya ay qeidkhane ke dono sathiyo (ab khwabo ki ta’abir suno) tumme ek to (qeid se chhut jayega aur) apne baadshah ko sarab pilayega, raha dusra,

wo suli diya jayega to parinde uska sar khayenge, huqm ho chuka us baat ka jiska tum sawal karte the”(surah yusuf, aayat – 41)namrud badshah history hindi hazrat ibrahim alihissalam 5

aapne jab ye ta’abir baya ki to woh kehne lage hamne to koi khwaab na deikha tha, aapne farmaya huqm ho chuka he is baat ka jo tum sawal karte the,

‘beshak jo ta’abir aapne bayan farmayi ushe yakinan waqeh hona hi tha’

kyunki aapne ta’abir bayan karne se pehle hi farma diya tha me tumhe tumhara khana aane se pehle khwab ki taabir bata dunga kyunki mere rabb ne muje ilm diya he

, yani aap ne bahot wajeh tour par bata diya ki khwaabo ki ta’abir koi andaaje se bayan nahi karta ye to mere rabb ka diya huwa ilm he jis ki wajah se me bayan karta hu.

Follo Us On facebook

Aapne unhe bataya ki allah ta’ala ne mujehazrat ibhrahim alaihissalam ko aaf me dale ka waqya in hindi 4 kaseer(bahot) ulum aata farmaye he ye jo tum ne suna he ye to baarish ka ek qatra he, baag ke fhulo me se ek kali he.(tafseere kabeer, jild-18, safa-143)(roohul maani, jild-7, safa-241)(tazkiratul ambiya alayhesalam, safa-195)

1 COMMENT

Give Your Mashwara Feedback