HAZRAT MUSA ALAIHASSALAM STORY IN HINDI URDU PART 17

bani israel par allah ka azab in hindi 14
bani israel par allah ka azab in hindi 14

Bani Israaeel ki Na-Shukri हज़रत मूसा alaihis सलाम स्टोरी इन हिंदी आर्काइव्ज Hazrat musa in Hindi

Quraane Azeem me ALLAH TA’ALA Irshaad Farmata he
“Aur Humne Bani Israaeel ko Dariya Paar Utara to Unka Guzar Ek Aysi Qoum par huwa ki Apne Buto ke Aage Aasan Maare the Bole Ay Musaa Hame Ek Khuda Banaade Jeisa Inke liye Itne Khuda he Bola Tum Zarur Jaahil Loug ho, Yah Haal To Barbaadi ka he Jisme ye Loug he Aur Jo Kuchh Kar rahe he Niraa Baatil he, kaha Kya ALLAH ke Siwa Tumhaara Aur Koi Khuda Talaash Karu Haalaanki Usne Tumhe Zamaane Bhar par Fazilat di”
(Surah Al A’raaf, Aayat-138, 139, 140)

ALLAH TA’ALA Ne Jab Bani Israaeel ke Dushmano ko Halaak kar Diya Jiska Wo Mushaahida Kar rahe the Unhe Darya se Salaamati se Guzaar Diya, fir Haqq to Ye tha ki wo ALLAH TA’ALA Ka Shukr Adaa karte, Lekin RABB TA’ALA ne Unki Jahaalat ka Tazkira Farmaya ki wo Kitne Jaahil Aur Na-Shukre Loug the ki wo Butt-Parasto ko Deikh kar Kehne lage ki “Hame Bhi Aysa Khuda Banaado” Bani Israaeel ne Jo Butt deikhe the wo Gaay ki Shakl ke the,
Hazrat Musaa Alayhis Salaam ne Unhe Kaha ki Tum Jaahil Loug ho Kya Tumhe Ma’alum nahi ki Ibaadat to Aa’la Darje ki Ta’azim ka Naam he Aur Aa’la Darje ki Ta’azim Usi Zaat ki ho Sakti he Jis ke Azeem Inaa’maat, Jism ki Takhleeq, Zindagi Ataa karna, Khwaahishaat, Qudrat Ataa karna Aur Nafaa-Mand Ishyaa(Chize) ka Peida karna Un Ishyaa par Qaadir Siwaaye ALLAH TA’ALA ke Aur Koi Nahi Aur Ibaadat ke Laayak bhi Uske Siwaa Koi Nahi.
(Tafseere Kabeer, Jild-13, Safa-223)
(Tazkiratul Ambiya Alayhis Salaam, Safa-429)

*>> Tauraat Leine ke liye Hazrat Musaa Alayhis Salaam ka Toor par Jana :-*

Quraane Hakeem me ALLAH TA’ALA Irshaad Farmata he
“Aur Humne Musaa se Tis(30) Raat ka Wa’ada Farmaya Aur Unme Das Aur Badhaakar Puri Ki to Uske RABB ka Wa’ada Puri Chaalis(40) Raat ka Huwa Aur Musaa ne Apne Bhai Haarun se kaha Meiri Qoum Par Meire Naayab rahna Aur Islaah karna Aur Fasaadiyo ki Raah ko Dakhal Na Deina”
(Surah Al A’raaf, Aayat-142)

Hazrat Musaa Alayhis Salaam ne Apni Qoum ko Pehle hi Bataya tha ki Jab ALLAH TA’ALA Hame Firouniyo se Na’jaat deiga to Mei Tumhe RABB TA’ALA se Ek Kitaab Laa kar Dunga Jisme Haraam wa Halaal ka Zikr hoga Usi Wa’ade ke Mutaabik Aap Alayhis Salaam ALLAH TA’ALA ke Hukm se Tauraat Leine Toor par gaye,

ALLAH TA’ALA ne Hazrat Musaa Alayhis Salaam se Wa’ada Farmaya ki Tum Toor par Aao Tumhe 40 Dino ke Baad Kitaab di Jaayegi, Aap Alayhis Salaam ko Hukm Diya gaya ki Tum 30 Din Ayse Neik Aamaal karna Jo Meire Qurb ka Zariya Bane, Fir 10 Dino me Tumhe Kitaab Ataa kardi Jaayegi Is Tarah 30 Dino ka Wa’ada 40 Dino tak Huwa Aur Ye bhi Bayan kiya gaya he ki Hazrat Musaa Alayhis Salaam ko Zil Qad ke 30 Roze Rakhne ka Hukm Diya Jab Aapne 30 Din ke Roze Mukammal kar liye to Moon me Bu Na-Munaasib Samajh kar Miswaak ki, Farishto ne kaha ki Humto Aap ke Moonh se Kastoori ki Khushbu Soongh rahe the Lekin Aapne Miswaak karke Zaaya kardi to ALLAH TA’ALA ne Aap Alayhis Salaam ko Wahi ki
“Kya Tumhe Ma’alum nahi ki Rozedaar ke Moonh ki Bu Meire Nazdik Kastoori se bhi Zyada Acchi he”
(Roohul Ma’ani, Jild-5, Hissa-2, Safa-43)
Aap Alayhis Salaam ko ALLAH TA’ALA ne Hukm Diya ki Zil Hajj ke 10 Roze Aur rakhe, Is Tarah 40 Din Badha kar 40 kar diye gaye,