Hazrat musa alaihassalam story in hindi urdu part 21

bani israel par allah ka azab in hindi 14
bani israel par allah ka azab in hindi 14

Hazrat musa alaihassalam Mann Aur Salwa se Aaraaz :

Quraane Paak me he ki
“Aur Jab Tumne Kaha Ay Musaa(Alayhis Salaam) Hum se to Ek Khaane par Kabhi Sabr Na Hoga to Aap Apne RABB se Duaa kijiye ki Zamin ki Ugaayi Hui Chize Humaare liye Nikaale Kuchh Saag Aur Kakdi Aur Genhu Aur Masur Aur Pyaaz Farmaya Kya Mamuli Chiz ko Behtar ke Badle Maangte ho Achha Misr ya Kisi Shahar me Utro waha Tumhe Milega Jo Tumne Maanga Aur Unpar Muqarrar kar di gayi Khwaari(Zillat) Aur Naadaari Aur Khuda ke Gazab me Loute ye Badla tha Uska ki wo ALLAH ki Aayato ka Inkaar karte Aur Nabiyo ko Naahaq Shahid karte ye Badla Unki Na-farmaaniyo Aur Hadd se Badhne ka”
(Surah Al Baqara, Aayat-61)

Bani Israaeel Arsa-Daraaz tak Mann wa Salwa khaate Rehne ki Wajah se Hazrat Musaa Alayhis Salaam se Kehne lage ki Hum Ab Ek hi Qism ke khane par Sabr Na kar Sakenge, Mann wa Salwa ki 2 Mukhtelaf Qism ke Khaano ko Ek Khaana Is liye Kahaa gaya he ki Dono Qism ke Khaane wo Ek Saath khaate the ya Is liye ki Har Roz Batoure Giza Unhe Yahi 2 Chize Milti thi, ye Nafees Khana Baaqi Khaano se Behtar tha Lekin Bani Israaeel ke Asrar par Irshaad huwa Tum Misr me Utar Jaao Jo Kuchh Tumne Maanga wo Tumhe waha Milega,

Us Misr ke Baare me Ikhtelaaf he ki ye Firoun ka Misr tha ya Koi Aur Shahar raaij he ki Usse Geir Muta’iyyan Shahar Muraad Bazaahir Ma’alum hota he ki Waadi E Tiy ke Qarib koi Shahar tha Jisme Aarzi Tour par Jaane ka Hukm Unki Khwaahishaat ke Mutaabik Diya gaya tha, Badhti Hui Nafsaani Khwaahishaat ki Bina’a par Taa’at Aur Bandagi ke Hudud se Baar Baar Yahud ka Tijaawaj(Humla) Aur Tugyaan(Bagaawat) Unke Haqq me Daaim E Zillat Wa Miskini par Muntaje huwa,

Is Aayate Kareema me Bani Israaeel ke Intehaahi Shaqaawat(Musibat) E Qalbi ka Bayaan Farmaya ki ALLAH TA’ALA ke Nabiyo ko Qatl karne Waalo se Badh kar Koun Shaqiile Qalb ho Sakta he Hazrat Zakariya Alayhis Salaam Hazrat Yaahya Alayhis Salaam Aur Un Jeise Jaleelul Qadr Ambiya Alayhis Salaam ko Unhone Intehaahi Be-dardi ke Saath Shaheed kiya ye Sab Kuchh Yahud ki Na-farmaani  Aur Puraani Sarkashi ka Zahur tha.
(Tazkiratul Ambiya Alayhis Salaam, Safa-444, 446)

*>> Murde ko Zinda karne ka Waaqiya :-*

Quraane Kareem me ALLAH RABBUL IJJAT Irshaad Farmata he
“Aur Jab Musaa ne Apni Qoum se Farmaya KHUDA Tumhe Hukm deita hei ki Gaay Zabah karo Bole ki Aap Hume Maskhara Banaate he Farmaya KHUDA ki Panaah ki Mei Jaahilo se hu, Bole Apne RABB se Duaa kijiye ki Wah Hume Bataade Gaay Keisi Kaha Wah Farmata hei ki Wah Ek Gaay hei Na Budhi Aur Na Usar Balki Un Dono ke Bich me to karo Jiska Tumhe Hukm hota he, Bole Apne RABB se Duaa kijiye Hume Bataa de Uska Rang Kya he Kaha Wah Farmata he wah Ek Pili Gaay he Jiski Rangat Dahdahaati Deikhne Waalo ko Khushi deiti, Bole Apne RABB se Duaa kijiye ki Humaare Liye Saaf Bayaan Karde Wah Gaay Keisi he Beshak Gaayo me Humko Subah pad gaya Aur ALLAH Chaahe to Hum Raah Pa Jaayenge”
(Surah Al Baqara, Aayat-67, 68, 69, 70)

Bani Israaeel me se Ek Shaksh ne Apne Ek Rishtedaar ko Qatl kar Diya Taaki Uska Waaris Ban jaaye, Qatl karke Us Laash ko Choraaye me Feink Diya Fir Hazrat Musaa Alayhis Salaam ke Paas Shikaayat le kar Aagaya Hazrat Musaa Alayhis Salaam ne Koshish ki Qaatil ka Pata Lagaane ki Lekin Pata Na Chal Saka wo Loug Kehne lage Apne RABB TA’ALA se Duaa kijiye Taaki Wo Bataaye ki Uska Qaatil kon he…?
Aap Alayhis Salaam ne Apne RABB TA’ALA se Duaa ki to ALLAH TA’ALA ne Aap ko Wahi ki, Aap Alayhis Salaam ne Apni Qoum ko Bataaya ki ALLAH TA’ALA Hukm deita he ki Gaay Zabah karke Uska Gosht Murde ko Maaro wo Zinda ho kar Bataayega ki Meira Qaatil Kon he, Unhone Ta’ajub kiya ki Zabah-Shudha Jaanwar ka Gost Murda ko keise Zinda Karega..?? ye to Ek Mazaah(Mazaaq) Nazar Aa Raha he,
Aap Alayhis Salaam ne Farmaya ALLAH TA’ALA ki Panaah Mei Jaahilo se ho Jaau, Yani Mazaah(Mazaaq) Udana Jaahilo Aur Naadano ka Kaam he, NABI ki Shaan ke Laayak nahi ki wo Kisi se Mazaah(Mazaaq) Udaaye Aur Khususan Deeni Ma’amlaat me Mazaah Udaana Shadeed Azaab ka Sabab he ki ALLAH TA’ALA ke NABI ke Muta’alaq ye Tasawwur karna bhi Mahaal he ki wo Aysa kaam kar Sakte he Jo Azaab ka Sabab Bane,

Agar wo Koi bhi Gaay Zabah karte to Unko Kifaayat karti Lekin Unhone Khud Baarbaar Sawaal karke Apne Aap par Shakhti ki to ALLAH TA’ALA ne Unpar Shakhti ki,
Agar wo In sha ALLAH na Kehte to Hameisha Unke Aur Gaay ke Milne me Sawaalaat haail rehte,
Jab Unhone kaha ki Agar ALLAH TA’ALA ne Chaahta to Hum Hidaayat Paayenge to Usi Waqt Unko Sawaalaat Khatm karne ki Toufiq Haasil Hui.
(Tafseere Kabeer, Jild-3, Safa-120)
(Tazkiratul Ambiya Alayhis Salaam, Safa-447)
.
*>> Wo Kyu Zabah nahi Karna Chaahte the :-*

Iski Chand wajah he, Jinke Peishe Nazar wo Zabah Nahi karna Chaahte the Lekin Ab Unko Is Kaam ke Na karne ka Koi Raasta Nazar nahi Aa Raha tha Lihaza Unhe Zabah karna Padha,

Ek Wajah ye thi ki Unko Khouf Laahaq tha ki Agar Humne Zabah kar Diya Aur Uska Gosht Maqtul(Murde) Shaksh ko Maar Diya to wo Zinda ho Jaayega Aur Pata Chal Jaayega ki wo Qaatil Koun he, Qaatil to Wo Khud hi the Is liye wo Ruswaayi ke Dar se Zabah Nahi karna Chaahte the,

Ek Wajah ye thi ki wo Is liye Zabah Nahi karna Chaahte the ki wo Samajhdaar the ki In Tamaam Awsaaf Waali Gaay ka Milna Mushkil he,
Aur Iski Wajah ye thi ki wo Is liye Zabah karna Nahi Chaahte the ki wo Keh rahe the ki Iski Bahot Qimat he kyuki Us Waqt Aam Gaay ki Qimat 3 Dinaar thi Lekin ye Gaay Unko Gaay ka Chamda Bhar kar Uske Baraabar Sona Wageira Adaa karne ki Qimat mil rahi thi.
(Tazkiratul Ambiya Alayhis Salaam, Safa-448)

*>> Bahut Bhaari Qimat se Gaay Haasil ki :-*

Us Waqt Aam Tour par Gaay ki Qimat 3 Dinaar hoti thi Lekin Unhone Sawaal karke Apne Liye Itni Mushkil Peida kardi, Tamaam Awsaaf Kisi Gaay me Paaye Jaane Dushwaar Nazar Aaye, Aakhir kaar Talaash karte karte Unhe Ek Bewa Aur Us Yatim Bache ke Paas Aysi Gaay Nazar Aayi Jisme Bayaan Karda Awsaaf Moujud the, Budhi nahi thi Aur Bachhadi nahi thi Balki Darmiyaani Umr ki thi Zard(Pila) Rang tha, Deikhne Waalo ko Khush karti thi, Zamin me Usne Hal nahi Chalaya tha Aur Na hi Kheiti ko Seiraab kiya tha Aur Usme Koi Ayb Aur Daag-Dhabbha nahi tha Kyunki Us Yatim ke Budhe, Neik, Parhezgaar Baap ne Apne Ek Bachhde ko Jangal me Chhod kar ALLAH TA’ALA ki Hifaazat me de Diya tha ki Meira Bacha Kuchh Bada Aur Samajhdaar ho kar Use le jaayega, wo Bacha bhi Waalidein ka Farma Bardaar tha, Apne Baap ki Wafa’at ke Kuchh Arsa Baad wo Apni Gaay Jangal se le Aaya tha, Usi Gaay me Tamaam Awsaaf Moujud the, Moti-Taazi thi, Khubsurat thi, Bani Israaeel ko Uske Chamde me Jitni Miqdaar me Sona Wageira Aa Sakta tha Utni Miqdaar me Sona Batoure Qimat Adaa karna Pada,

SubhanAllah…

MAALIKUL MULK ne Apne Bande ki Gaay ki Jangal me Hifaazat Farmaayi Aur Us Neik Bande ki Bewa Aur Uske Yatim Bache ko Kaseer Miqdaar me Maal wa Doulat Ataa Farmaaya, Bani Israaeel Agarche Gaay ki Bhaari Qimat Adaa karne par Bakhushi Razamand nahi the Aur Ye bhi Jaante the ki Agar Humaare Maqtul (Murda) Zinda ho gaya to Humara Apna hi Ayb Zaahir hoga Lekin Unhe Fir Bhi Gaay Zabah karni Padhi Kyuki Ab Unke Paas Koi Azr Baaqi nahi rah gaya tha Agarche wo Zabah Nahi karna Chaahte the.
(Tafseere Kabeer, Jild-3, Safa-122)
(Tazkiratul Ambiya Alayhis Salaam, Safa-448, 449)