Hazrat loot alayhi salam story in Hindi Urdu

Hazrat loot alayhi salam story in Hindi UrduALLAH TA’ALA ke Nabi Hazrat Loot Alayhesalam ke Baare me Wakiyaat aayenge…
Aap logo se Gujarish he ki Post Padhte rahe Aur Dusre Musalman Bhaiyo tak Pahonchate rahe.. Taaki Hamare Bhaiyo ke Ilm me Izafa hota rahe Aur Sath hi Sath Aap bhi Sawab Paane me Samil ho jaaye…Hazrat Loot Aayhesalam Hazrat Ibhrahim Alayhesalam ke Jamane me hi the..
Hazrat Loot Alayhesalam ne Hazrat Ibhrahim Alayhesalam ki Tamam Bato ki Tasdeek Farmaayi thi.

 Hazrat Loot Alayhesalam ki Hizrat :-

Hazrat Loot Alayhesalam ne Ibhrahim Alayesalam ke Sath Babil se Haraan ki Taraf Hijrat ki, Fir Waha se Misr me un dono ke Sath Hazrat Sara RadiAllaho Ta’ala Anha bhi thi, fir Misr se Falasteen me Aagaye, Ab un Tino ke Sath Hajra RadiAllaho Ta’ala Anha bhi thi,
Fir Loot Alayhesalam Hazrat Ibhrahim Alayhesalam ke Saher se Takriban 18 Mil Door ek Saher me Tablig e Deen ke liye Aagaye, is saher ka Naam Sadum tha,
(Tazkiratul Ambiya Alayhesalam, Safa-155)

Share karte rahe..

>> Koum ko Loot Alayhesalam ki Nasihat :-

Quraan e Paak me ALLAH RABBUL IJJAT Irsaad Farmata he
“Loot (Alayhesalam) ko (Hamne unki Koum ki Taraf Bheja) Jab Unhone Apni Koum se Kaha ki Tum wo Be-Hayai ka Kaam karte ho ki Tum se Pehle Duniya me kishi ne bhi Nahi kiya, kya Tum Mardo se Badf’ali karte ho Aur Rasta me Daka zani karte ho Aur Apni Majlisho me Buri Baate karte ho, to unki Koum ko iske Siwa koi Jawab Ban na pada ki Unhone Kaha ki Agar Tum Sacche ho to Hum par ALLAH TA’ALA ka Azaab le Aao”
(Surah Al-Ankabut, Aayat – 28, 29)

Hazrat Loot Alayhesalam Koum ko Azaab se Bachane ki Fikr me he, leqin koum Kabhi kehti he Tum Azaab le Aao Aur Kabhi kehti he ki

“Ay Loot(Alayhesalam) Agar Tum (Hame Nasihat karne se) Baaz Na Aaye to Jarur Tumhe Basti se Bahar Nikaal deinge”
(Surah Shu’ara, Aayat-167)

Yaani Ham Tumhe Apne Sahar se Nikaal deinge Aur Ham Tumhe Yaha rehne nahi deinge.
(Tazkiratul Ambiya Alayhesalam, Safa-155,156)

 

>> Hazrat Loot Alayhesalam ki Koum ki Khrabiya :-

Sab se Badi Burai un me “Lavaatt (Homosexuality)” thi (Mardo se Burai karne ki Aadat unme Kasrat se paayi jati thi) Aur Musafiro Aur Gujarne walo ke Rasta me Beith jana un ka Rasta Rokna Aur Zabardasti un se Burai ka Murtakib hona, Rasta me Beith kar Daka zani, Logo ko Qatl karna Aur unka Maal Lutna, un ki Buri Aadat me Samil tha, Koume Loot ki ye Buraiya Abhi tak Logo me Moujud he, jo Sariyate Mutahra se Bagawat he.

1) Mardo ki Mehfilo me Sirf is liye Aana ki unko Tadna Yaani Baaz ka Baaz ko deikhna Aur Burai ke liye intekhab karna, Kabutar Baazi Yaani Pura Pura Din unko Udane Aur Sart Baazi lagane me Gujaar deina,

2) Aurato ki Tarah Ungaliyo ki Puri Mehndi se Rangna, (Khyaal rahe Mard ko Batoure Dawa Mahendi lagana Jaiz he Lekin Zaib va Zinat ke liye Mana he, leqin Aaj ke Dour me Ladko ko Ladkiyo ka Libaas Aur Chaal Dhab Pasand he jo Haram he),

3) Hatho se Kankariya idhar-udhar Feinkna, Gujarne walo ko Tang karna, is tarah Banduko se Kankariya Fenk kar logo ko Satana,

4) ek Dusre ko Thappad Maarna idher se ek Aaya usne Dusre ko Thappad Maar diya Aur Udhar se Dusra Aaya usne Thappad Maar diya, ye Behuda Fal(kaam) unka Mazah huwa karta jo Dar-Haqiqat unke Awbaas hone ki Alamaat thi,

5) Mehfil me logo ke Samne Buland Aawaj se Hawa-Kharij karna wo Apni Shaan Samajte the Halanki Sarfaa ke liye ye Fal(Kaam) Baaise Sarm hota he,

6) Ungaliyo ke Patakhe Nikalna Bila Vaja Aur Bageir Azr ke Ungaliyo ke Patakhe Nikalna Makrooh he is wajah se ki ye Loot Alayhesalam ki Koum ka Fal(Kaam) tha Aur us wakt bhi is Fal(Kaam) ko Behuda Samja jata tha.

7) Mazah karte hue Logo ke Samne Nanga hona, Yaani Chader, Salwar Wageira utaar deina, Nanga hona, Be Haya Banna bhi Koume Loot ka Fal he,

8) Mazah Mazah me Fahas kalami (Porn-Words) Aur ek Dusre ko Gaali deina.
(Roohul Maani, Jild-11, Safa-153)
(Tazkiratul Ambiya Alayhesalam, Safa- 156,157)

Isme se Kai Buraiya Aaj ke Dour me bhi Paayi jaati he…

 

>> Hazrat Loot Alayhesalam ki Zovja(Biwi) :-

Hazrat Loot Alayhesalam ki Zovja ka Naam “Walila” tha, ye Kafira thi, is ke Dil me Nifaak tha, Wada ka Paas(Pura) Nahi karti thi, Loot Alayhesalam ke Paas Aane wale Mehmano ke Muta’alak Koum ko khaber karti, Is Tarah Loot Alayhesalam ki Khyanaat ki Murtakib(Gunehgaar) hoti, Koum ki Burai par Khus hoti thi, Is liye Koum ke Sath Azaab me ye bhi Giraftaar hui.
(Tazkiratul Ambiya Alayhesalam, Safa-159)

 

>> Azaab Wale Faristo ka Loot Alayhesalam ke Paas Aana :-

Jo Fariste Hazrat Ibhrahim Alayhesalam ke Paas Aaye the Hazrat Sara RadiAllaho Ta’ala Anha ko Ishaak Alayhesalam Aur unke Baad Yaakub Alayhesalam ki Basarat deine ke liye Wahi Fariste Loot Alayhesalam ki Koum ko Azaab deine ke liye bhi Aaye, Wo Fariste Inshani Shakl me Aaye the,
Hazrat Ibhrahim Alayhesalam Bahot Mehmaan Nawaz the, 15 Dino se koi Mehmaan na aaya tha, is liye Aap ne Jaldi se Unke Paas Bhuna huwa Bachda Peish kiya, Aapne Jab deikha ki ye Ajnabi Loug he, inke Haath Khane Tak Nahi Pahonch rahe, to Samaj gaye ki ye to Fariste he.
(Tazkiratul Ambiya Alayhesalam, Safa-159)

 

Hazrat Ibhrahim Alayhesalam ka Faristo se Sawal Jawab :-

Quraane Kareem me ALLAH TA’ALA Irsaad Farmata he
“Fir Jab Ki Ibhrahim (Alayhesalam) ke Dil se Khouf Door huwa Aur unko (Beita Peida hone ki) Khush-Khabari mili to Ham se Loot(Alayhesalam) ki Koum ke Bare me Jhagadne lage(Purzour Sifarish karne lage)”
(Surah Hood, Aayat-74)

Hazrat Ibhrahim Alayhesalam ne unhe(Faristo se) kaha kya Tum us Basti ko Halaak karoge jis me 300 Momin honge..?
Unhone kaha Nahi Eysha kabhi Nahi karenge,
Fir Ibhrahim Alayhesalam ne Kaha kya Tum us Basti ko Halak karoge jisme 200 Imaan wale Rehte ho..?
Unhone kaha Nahi, ushe to Halak nahi karenge,
Fir Ibhrahim Alayhesalam ne Kaha Tum us Aabadi ko Barbaad karoge Jaha 40 Imaandaar loug Moujud honge..?
Unhone kaha Nahi,
Fir Ibhrahim Alayhesalam ne Farmaya ki Agar ek Momin Waha Rehta ho to ushe Tum Barbaad karoge..?
Unhone kaha Nahi,
to Ibhrahim Alayhesalam ne Farmaya Usme to Loot Moujud he,
Faristo ne kaha Hame Malum he Waha kon log he,
Loot Alayhesalam Aur unki Ahl ko Ham Naja’at deinge, Siway unki Aurat ke, wo Koum ke Sath hi Azaab me Mubtila ho jayegi.
(Tafseere Jalalein, Safa-186)
(Tazkiratul Ambiya Alayhesalam, Safa-160)

 

Quraan e Paak me ALLAH RABBUL IJJAT Irsaad Farmata he

“Aur Jab ki Hamare Bheje hue Fariste Loot (Alayhesalam) ke Paas Aaye to wo un ke Aane se Ranjida aur Tang-dil hue Aur Bole ki Aaj ka Din to Badi Shakhti Aur Musibat ka Din he, Loot (Alayhesalam) ke Paas unki Koum ke Loug Doude hue Aaye Aur wo Pehle hi Bure Kamo ke Aadi ho rahe the, Loot (Alayhesalam) ne un se Kaha ki Ay Meri Koum ye(Basti ki Aurate) Meri Betiya he, ye Tumhare liye Suthri Aur Jaiz he to (Unki Taraf Tawajjo karo Aur) ALLAH TA’ALA se Daro Aur Mere Mehmano ke Ma’amle me Muje Ruswa na karo, kya Tum me ek Aadmi bhi Neik Chalan Nahi he, un logo ne kaha ki Aap ko Malum he ki Aap ki (Koum ki) Betiyo se Hame koi Rugbat(Aur Sarokar) nahi he Aur Beshaq Jo Kuch Hamari Khwaish he ushe Aap Achi Tarah Jante he, Loot (Alayhesalam) ne Farmaya ki Kaash Tumhare Mukable ki Muje Takat hoti ya kisi Mazboot Paaye ka Sahara Aur Panah leita”
(Surah Hood, Aayat – 77, 78, 79, 80)

Yaani Koum ko Jab Pata chala ki Loot Alayhesalam ke Paas Khubsurat Nav-Jawan Batour Mehman Aaye hue he, wo Apne Bure Irade Aur Sadid Jazbaat liye Bhagte hue Aagaye, unko Khabar dene wali bhi Loot Alayhesalam ki Zovja(Biwi) ‘Walila’ hi thi,
Ye bhi Khyaal rahe ki wo Koum us Bad-Fa’li Yaani Lavaatt (Homosexuality) ka irtekaab koi Chip kar na karti Balqi wo loug Zahir tour par us Burai ki Murtakib hoti, is liye Loot Alayhesalam ne Farmaya
kya Tum me se koi ek bhi Neik Chalan nahi….?
Aap ne unko Bade Pyare Andaaj par Nasihat Farmayi, ye Meri Koum ki Betiya he, jo Tumhari Biwiya he Tum unke Hukuk Pa-Amaal kar rahe ho, Hukuk Zovjiyat Ada nahi kar rahe, Nov-Jawano ki Taraf Tumhara Milaan, Bad-Fa’li ka irtekaab Tumhari Bad-chalani ka Zariya he, Apni Biwiyo ki Taraf Milaan karo taaki unke Hukuk bhi Ada ho sake Aur Tum bhi Neik ho jao, Ye Mere Mehmaan he, inse Burai ke Murtakib ho kar Muje Ruswa na karo, Agar Mere Paas koi Takat hoti to me Tumhe Maar Maar kar Bhaga deita, Agar Mere Paas koi Mazboot Killa ya Panah hoti to Mehmano ko Waha le jata.
(Tazkiratul Ambiya Alayhesalam, Safa-161)

Hazrat hood alaihissalam story in Hindi urdu part 2

>> Faristo ka Jawaab Aur Koume Loot par Azaab :

Quraan Sareef me he ki
“Faristo ne Kaha ki Ay Loot (Alayhesalam) Beshaq Ham Aap ke RABB Ke bheje hue he, wo Loug Hargiz Aap tak Nahi Pahonch Sakte to Aap Apni Biwi ke Siwa Apne Sab Ghar Walo ko Raato Raat (Basti se Baahar) le jaaye Aur Tum me koi Pith Feir kar Idhar-udhar na Deikhe, Beshaq us(Biwi) ko Wahi Musibat Pahonchegi jo un logo ko Pahonchegi, Beshaq un(ke Azaab) ka Wada Subah ka Wakt(Mukararr) he kya Subah Karib nahi(?), Fir Jab Hamara Huqm(Wada) Aa Pahoncha to Hamne us (Basti) ke Upar ko us ka Nicha kar diya(Yaani Palat diya) is (Basti) par Aaag me Pake hue Patther lagataar Barsaaye, jo Aap ke PARWARDIGAAR ke Paas se Nishan kiye hue the Aur wo un Zalimo se kuch Door nahi.
(Surah Hood, Aayat – 81, 82, 83)

Fariste Ab tak Ye Khamoshi se deikh rahe the, Jab un Avbaaso ki Gustakhi Aur Hazrat Loot Alayhesalam ki Pareshani Aur Be-basi ki inteha ho gayi, to Fariste Goya hue, Ay Loot (Alayhesalam) Ghabrao Nahi, Darwaza Khol do, Aur Un Maskaro ko Aage Aane do, Ham Inshaan Thode he ki ye Aage Badh kar Hamko Dabouch lenge, Ham ALLAH ke Bheje hue Fariste he Aur Hame is liye Bheja gaya he ki Ham in Bastiyo ko Tah va Bala karke rakh de, Aap esha kare ki Raat ka Jab Kuch Hissa Gujar jaye to Apne Gharwalo ko Hamraah le kar yaha se Chale jaaye, Lekin Aap ki Biwi Aap ke Sath Nahi ja Sakti, us ka Anjaam Wahi hoga jo Dusre Mujrimo ka, Ab un Zalimo ki Mohallat ki Ghadiya khatm ho gayi, Sirf Subah hone ki Deir he Aur Subah ke Tulu hone me Ab Zyada Wakt Nahi,

Jab Azaab Aaya to unki Bastiyo ko Zeir va Zabar karke rakh diya Hazrat Nooh ki kashti ki kahani story Hindi Urdu part 2gaya unki Falak Bovs Imarate Zameen par Undhi gira di gayi, un par Shakht Pattharo ki Eyshi Musaladhar Barish ki gayi, ki wo Sab Khake Siya ban kar rah gaye, Siron, Amoraah, uma Aur Zabuim unki 4ro Bastiya us jagah Aabad thi, Jaha Aaj kal Bahre Muraad(Atlantic) ya Bahre Loot(Pacific) he, Ab bhi Bahre Loot(Pacific) se Dhunve ke Badal uthte he, Kasrat se Zalzale Aate rehte he.
(Tafseere Ziya ul Quraan, Jild-2, Safa-342)

> Hazrat Loot Alayhesalam ka Raat ko Nikal jana :-

Hazrat Loot Alayhesalam Apne Sath Siwaye Zovja(Biwi) ke Baaki Ghar ke Afraad ko Raat ko le kar Nikal gaye, ALLAH TA’ALA ne Zameen ko Lipat diya is Tarah Loot Alayhesalam Ibhrahim Alayhesalam ke Paas Pahonch gaye, Fir Zibrail Alayhesalam ne unki Tamam Bastiyo ko Apne Par se uthaya Aur Itna Buland kiya ki Aasman wale unki Bastiyo me Rehne wale Murgo ki Aawaz Aur kutto ki Bhonk Sun rahe the, fir unko Palat kar Niche Gira kar Upar se Pattharo ki Barish Barsha kar Tabah va Barbaad kar diya gaya.
(Roohul Maani, Jild-7, Safa-113)
(Tazkiratul Ambiya Alayhesalam, Safa-162, 163)

ALLAHU AKBER,HAZRAT YOUSUF STORY IN HINDI URDU PART 7

>> Hazrat Loot Alayhesalam ke Wakiyaat yaha par Khtm hote he.

InshaAllah, Aage ALLAH RABBUL IJJAT ke Pyare NABI Alayhesalam ke Wakiyaat jaari he…

Kishi Post par Agar Hamse Kishi Tarah ki Lagjis, Galti, Kutahi, Be-Adabi hui ho to ALLAH RABBUL IJJAT Apne Pyare MEHBOOB HUZOOR NABI E KAREEM Sallallaho Alaye Wasallam ke Sadke me Maaf Farmaaye..
Aameen Ya RABBUL AALAMIN.