hadees nabi alahissalam in hindi shaitan in islam

141

“hadees nabi” alahissalam in hindi shaitan in islam  HUZOOR ﷺ ne irshaad farmaya dil mein utarne ki do jagahein hai, ek jagah farishte ke utarne ki woh hai jo neki par tambeeh karti hai aur haq ki tasdeeq ki jaanib ragbat

dilaati hai , lihaaza jo aadmi apne andar yeh baat mehsoos kare woh usey ALLAH ki rehmat samjhe aur KHUDAWAND JALL WA A’LA ki taareef wa tauseef kare , doosri jagah dushman ki hai jo fitna wa fasaad ki jaanib mailaan paida karta, haq ki takzeeb (jhutlaana) aur nekiyon se manaa karta hai, jo shakhs apne dil mein yeh baat mehsoos kare woh ALLAH TA’ALA se shaitaan e rajeem ki sharaaraton se panaah maange , phir AAPNE yeh aayat tilaawat farmayi:
“Shaitaan tumhe faqr ka waada deta hai aur bure kaam karne ka hukm deta hai.”

JANAAB HASAN BASRI رضي الله عنه ka qaul hai ke do fikrein hain jo insaan ke dil me gardish karti rehti hai , ek haq ki fikr aur doosri dushmani ki fikr hoti hai, ALLAH TA’ALA us bande par rehem kare jo apne azaaim ka qasd karta hai, jo kaam usey ALLAH TA’ALA ki taraf se nazar aata hai usey poora karta hai aur jo usey dushman ki taraf se nazar aata hai usey chord deta hai.
JANAAB JAABIR BIN UBAIDAA A’DWEE kehte hai , MAINE JANAAB A’LAA BIN ZIYAAD se apne dil mein paida honewale waswason ki shikaayat ki to unhone usey farmaya, dil ki misaal us ghar jaisi hai jismein choron ka guzar hota hai , agar usmein kuch maujood hota hai to woh usey nikaal le jaane ke baare mein sochte hai warna usey chord dete hai yaani jo dil khwaahishaat se khaali hota hai usmein shaitaan daakhil nahi hota, isiliye Farmane ILAAHI hai:
“Beshak MERE bandon par tere liye koi galba nahi.”

Lihaaza har woh insaan jo khwaahishaat ki pairwi karta hai woh ALLAH ka nahi balki shehwat ka banda hai isliye ALLAH TA’ALA uspar shaitaan ko musallat kar deta hai, irshaad e ILAAHI hai :
“Kya tu ne usko nahi dekha jisne apni khwaahish ko maa’bood banaa liya.”
Is aayat mein is amr ki jaanib ishaara hai ke jiska maa’bood aur KHUDA uski khwaahish ho woh ALLAH ka banda nahi hota.
Isiliye HAZRATE AMAR BIN AL’ AAS رضي الله عنه ne NABI E KAREEM ﷺ se arz ki YAA RASOOLALLAH ﷺ ! Shaitaan MERE aur MERI namaaz wa qiraat ke darmiyaan haail ho jaata hai. AAPNE farmaya yeh shaitaan hai jisey khatrab kaha jaata hai ,TUM jab bhi uske wasaawis mehsoos karo, ALLAH TA’ALA se us sey panaah maango aur teen martaba baayein jaanib thook do , raawi kehte hai chunaanche MAINE aise hi kiya aur ALLAH TA’ALA ne MUJHE us sey door kar diya.

“hadees nabi” alahissalam  HADEES shareef mein hai wuzu (mein nuqs paida karne) ke liye ek shaitaan hai jis ka naam walhaan hai, ALLAH TA’ALA ki rehmat se us se bachne ka sawaal karo.
Dil se shaitaani waswase is soorat mein door ho sakte hai ke insaan un waswason ke khilaaf baatein sochein yaani zikr e ILAAHI kare kyunki dil mein kisi cheez ka khayaal aata hai to pehle waali cheez ka khayaal mit jaata hai lekin har us cheez ka khayaal jo zaat e RABBANI aur USKE faraameen ke ilaawa ho, shaitaan ki jaulaangaah ban sakti hai magar zikr e KHUDA aisi cheez hai jiski wajah se momin ka dil mutmaeen ho jaata hai aur woh jaan leta hai ke shaitaan ki taaqat nahi jo usmein zor aazmaayi kare, choonke har cheez ka ilaaj uski zidd se kiya jaata hai, lihaaza jaan lijiye ke tamaam shaitaani waswason ki zidd zikr e ILAAHI hai, shaitaan se panaah chaahna hai, aur لاحول ولا قوة الا بالله se rihaayi paana hai aur tumhare is qaul ka ke main ALLAH se shaitaan e rajeem se panaah Maangta hun aur لا حول ولا قوة الا بالله العلي العظيم ka yahi manshaa hai, is maqaam par wohi log sarfaraaz hote hain jo muttaqi hon aur zikr e KHUDA jinki rag-rag mein rach-bas gaya ho aur shaitaan aise logon par bekhabri ke aalam mein achaanak hamle kiya karta hai.

Farmane ILAAHI hai:
“Tehqeeq woh log jo parhezgaar hain jab unko shaitaan ki taraf se waswasa lagta hai to woh zikr karte hai phir achaanak woh dekhne lagte hai.”

MUJAAHID رضي الله عنه is Farmane ILAAHI:
“Khannaas ke waswason ke sharr se “,
ki tafseer mein kehte hai ke woh dil par phailaa huwa hota hai , jab insaan zikr e KHUDA karta hai to woh peeche hatt jaata hai aur sikud jaata hai aur jab insaan zikr se gaafil hota hai to woh hasbe saabiq dil par tasallut jamaa leta hai.
Zikr e ILAAHI aur shaitaan ke waswason ka muqaabla aise hai jaise Noor aur zulmat, raat aur din , aur jis tarah yeh ek doosre ki zidd hai, chunaanche Farmane ILAAHI hai:
“Unpar shaitaan gaalib aaya aur unhein yaad e ILAAHI se gaafil kar diya.”

“hadees nabi” alahissalam HAZRATE ANAS رضي الله عنه se marwi hai , HUZOOR ﷺ ne farmaya ke shaitaan insaan ke dil par apni taak lagaaye huwe, jab insaan ALLAH TA’ALA ko yaad karta hai to woh peeche hatt jaata hai aur jab woh yaad e ILAAHI se gaafil ho jaata hai to shaitaan uske dil ko nigal leta hai.Hazrat isa alaihissalam par hawareen ka iman lana hindi
IBNE WAZZAAH رضي الله عنه ne ek Hadees naql ki hai jismein kaha gaya hai ke jab aadmi 40 saal ko pohonch jaata hai aur tauba nahi kar paata to shaitaan uske munh par haath pherta aur kehta hai ke mujhe apne baap ki qasam yeh uska chehra hai jo falaah nahi paayega.RIYAAZAT WA KHWAAHISHAAT E NAFSAANI kya he
Aur jaise insaani khwaahishaat wa shehwaat insaan ke khoon aur gosht-post se judaa nahi hoti, isi tarah shaitaan ki saltanat bhi insaani dil par muheet hai aur insaan ke khoon aur gosht wa post par jaari wa saari hai chunaanche Farmane NABAWI ﷺ hai, shaitaan insaan ke wajood mein khoon ki tarah gardish karta hai lihaaza uski guzargaahon ko bhook se band karo, AAPNE bhook ka zikr isliye farmaya ke shehwat ko khatam kar deti hai aur shaitaan ke raaste bhi shehwaat hain.09 Husne akhlaq k bare me  part 2 in hindi

Shehwaat e nafsaani ke dil ka gheraao karne ke muta’alliq irshaad e ILAAHI hai jismein shaitaan ke qaul ki khabar di gayi hai ke usne kaha “phir albatta main unke paas unke aage se , unke peeche se , unke daayein se aur unke baayeeñ taraf se aaunga .” is sey pehle waali aayat mein hai ke shaitaan ne kaha keMasjid banane ki fazilat in hindi
“main albatta Teri seedhi raah par unke liye baithaunga.”
Farmane NABAWI ﷺ ke shaitaan insaan ke raaston par baith gaya , uske islam ke raaste mein baithkar us sey kaha kya tu islam qubool karta hai aur apne aur apne baap dada ke deen ko chordta hai magar is insaan ne uska kaha maanne se inkaar kardiya aur islam le aaya phir woh hijrat ke raaste mein baith gaya aur bola kya tu hijrat karta hai aur apne watan ko aur uski zameen o aasmaan ko chordta hai ? Magar us insaan ne uski baat maanne se inkaar kardiya aur hijrat kar gaya phir uske jihaad ke raaste mein baithkar bola kya tu jihaad karna chaahta hai, haalaanke usmein jaan o maal ka zayaa’ (kharch baisud ) hai, jab tu jung mein jayega to qatl ho jaayega aur teri aurton se log nikaah kar lenge , tera maal aapas mein baant lenge magar us banda e KHUDA ne shaitaan ki baat maanne se inkaar kardiya aur jihaad mein shareek hua aur HUZOOR ﷺ ne farmaya jis kisi ne aise kirdaar ka muzaahira kiya , phir usey maut aagayi ALLAH TA’ALA par waajib hoga ke WOH usey Jannat mein daakhil kare

END OF BAAB 79quetes of hazrat mola ali in hindi

Give Your Mashwara Feedback